નીટ પેપર લીક કેસમાં શિક્ષણ મંત્રી ધર્મેન્દ્ર પ્રધાનના રાજીનામા પછી સંસદના બંને ગૃહો, લોકસભા અને રાજ્યસભા, સોમવારે પહેલીવાર કાર્યવાહી ફરી શરૂ કરશે. નીટ પેપર લીક અને દિલ્હીમાં સીજેપીવિરોધ સામે પોલીસ કાર્યવાહીને લઈને ચોમાસુ સત્રમાં વારંવાર હોબાળા થવાને લીધે કાર્યવાહી ખોરવાઈ છે. આજે કેન્દ્ર સરકાર પેપર લીક અટકાવવા માટે જાહેર પરીક્ષા સુધારા બિલ, 2026 રજૂ કર્યું હતું એહને વિપક્ષે રાબેતા મુજબ જ હોબાળો મચાવ્યો હતો. કેબિનેટે જાહેર પરીક્ષા કાયદાને મજબૂત બનાવવા માટે એક કડક પેપર લીક વિરોધી બિલને પહેલાથી જ મંજૂરી આપી દીધી છે, અને સરકાર સોમવારે તેને રજૂ કરશે. દરમિયાન, રાજ્યસભા અને લોકસભાના વિપક્ષી પક્ષના નેતાઓ સોમવારે સવારે 10 વાગ્યે સંસદમાં વિપક્ષી નેતાના કાર્યાલયમાં મળીને ચાલુ ચોમાસુ સત્ર માટે તેમની ભાવિ રણનીતિની ચર્ચા કરી હતી.વડા પ્રધાન નરેન્દ્ર મોદીએ રવિવારે ઇન્ફોસિસના સહ-સ્થાપક અને આધારના શિલ્પી નંદન નીલેકણીના નેતૃત્વમાં છ સભ્યોની ટાસ્ક ફોર્સની રચનાની જાહેરાત કરી. આ ટાસ્ક ફોર્સ એનટીએ સહિત પરીક્ષા સુધારાઓ પર કામ કરશે. સ્પર્ધાત્મક પરીક્ષાઓ દરમિયાન ભવિષ્યમાં પેપર લીક અટકાવવા માટે સરકાર સોમવારે લોકસભામાં જાહેર પરીક્ષા (ગેરરીતિઓ નિવારણ) સુધારા બિલ, 2026 રજૂ કરશે. કેન્દ્રીય મંત્રી જીતેન્દ્ર સિંહ આ બિલ રજૂ કરશે, જેમાં પેપર લીક માટે કડક સજાની જોગવાઈ છે.

સોમવારના લોકસભાના કાર્યસૂચિ અનુસાર, જીતેન્દ્ર સિંહ બિલ રજૂ કર્યા પછી તેને પસાર કરવા માટે એક પ્રસ્તાવ પણ રજૂ કરશે. કાયદામાં અમલીકરણ ખામીઓને દૂર કરવા, સમર્પિત ન્યાયિક પ્રણાલી બનાવવા અને ફોજદારી ટ્રાયલ ઝડપી બનાવવાના હેતુથી સાત મુખ્ય સુધારાઓનો સમાવેશ થાય છે.આ બિલમાં તપાસ અને ન્યાયિક કાર્યવાહી માટે કડક સમય મર્યાદા રજૂ કરીને 2024 ના માળખામાં મોટા ફેરફારોનો પ્રસ્તાવ છે. રાજ્ય સરકારો અને કેન્દ્રશાસિત પ્રદેશોના વહીવટીતંત્રો પાસે ખાસ કરીને કાયદા હેઠળના ગુનાઓની સુનાવણી માટે સત્ર અદાલતોને ખાસ ફાસ્ટ-ટ્રેક કોર્ટ તરીકે નિયુક્ત કરવાની સત્તા હશે.