2011માં ભારતે 28 વર્ષ પછી એમએસ ધોનીની કેપ્ટનશીપમાં વનડે વર્લ્ડ કપ જીત્યો હતો. ૧૯૮૩ પછી ટીમ ઈન્ડિયાનો આ પહેલો વનડે વર્લ્ડ કપ હતો. જોકે, બધા જાણે છે કે તે વર્લ્ડ કપ માટે દિગ્ગજ રોહિત શર્માનો ભારતીય ટીમમાં સમાવેશ કરવામાં આવ્યો ન હતો. તેને પડતો મૂકવામાં આવ્યો હતો, જેનો તેમને ખૂબ જ અફસોસ હતો. હવે, કૃષ્ણમાચારી શ્રીકાંતે, જે તે સમયે બીસીસીઆઈના પસંદગીકાર હતા, તેમણે રોહિતની માફી માંગી છે અને તેમની અવગણનાનું કારણ સમજાવ્યું છે.

કૃષ્ણમાચારી શ્રીકાંતે રોહિત વિશે શું કહ્યું?

એક મુલાકાતમાં શ્રીકાંતે કહ્યું, મને હજુ પણ તેના માટે ખરાબ લાગે છે. મેં ગયા વર્ષે રોહિતને કહ્યું હતું, મને માફ કરો, બોસ. તે ઇરાદાપૂર્વક નહોતું, અમે ફક્ત એવા ખેલાડીઓ પસંદ કરવા માંગતા હતા જે બેટિંગ અને બોલિંગ કરી શકે. અમારી વિચારસરણી ૧૯૮૩ના વર્લ્ડ કપ જેવી જ હતી.

રોહિત શર્માનું આંતરરાષ્ટ્રીય કરિયર

જોકે રોહિત શર્માને 2011ના વન ડે વર્લ્ડ કપમાં રમવાની તક મળી ન હતી, તેમ છતાં તે વ્હાઇટ બોલના ક્રિકેટમાં સૌથી સફળ ક્રિકેટરોમાંનો એક છે. રોહિત શર્માએ ટેસ્ટ અને ટી-20માંથી નિવૃત્તિ લીધી હોવા છતાં, તે હજુ પણ ભારત માટે ઓડીઆઇ ક્રિકેટ રમે છે. તેમની કેપ્ટનશીપ હેઠળ, તેમણે ટીમ ઈન્ડિયાને 2024માં ટી-20 વર્લ્ડ કપ અને 2025માં ચેમ્પિયન્સ ટ્રોફીમાં પણ નેતૃત્વ કર્યું છે.

38 વર્ષીય રોહિત શર્માએ 2007માં ભારત માટે ડેબ્યૂ કર્યું હતું. ત્યારથી, તેણે 67 ટેસ્ટ, 282 વનડે અને 159 ટી-20 મેચ રમી છે. આ હિટમેન ટેસ્ટમાં 4,301 રન બનાવ્યા છે, જેમાં 12 સદી અને 18 અડધી સદીનો સમાવેશ થાય છે. વન-ડેમાં તેના 11,577 રન છે, જેમાં 33 સદી અને 61 અડધી સદીનો સમાવેશ થાય છે. ટી-20માં, રોહિતે 4,231 રન બનાવ્યા છે, જેમાં પાંચ સદી અને 32 અડધી સદીનો સમાવેશ થાય છે.