શહેરના નાણાવટી ચોક અને રૈયા ચોકડી વચ્ચે યુવકે જાહેરમાં ફિનાઈલ પી લેતા સિવિલ હોસ્પિટલમાં ખસેડવામાં આવ્યો છે. યુવકે પો ફિનાઈલ પી તો હોય તેવો વિડીયો પણ બનાવ્યો છે. યુવકે પત્નીની હેરાનગતિથી કંટાળી પગલું ભર્યાનું જણાવ્યું છે.

પ્રાપ્ત વિગત મુજબ 150 ફૂટ રિંગ રોડ પર શીતલ પાર્ક પાસે અજય એપાર્ટમેન્ટમાં રહેતા અને યાજ્ઞિક રોડ પર આવેલી કોટક બેંક શાખામાં રિક્રુટમેન્ટ ડેવલોપર ઓફિસર તરીકે નોકરી કરતા રોહનભાઈ મુળજીભાઈ ઝાલા (ઉ.વ.39)એ આજે સવારે નવેક વાગ્યાના અરસામાં નાણાવટી ચોકને રૈયા ચોકડી વચ્ચે જાહેરમાં ફિનાઈલ પી લેતા 108 ,મારફતે સિવિલ હોસ્પિટલમાં ખસેડવામાં આવ્યા હતા. બનાવ અંગે હોસ્પિટલ ચોકીના સ્ટાફે ગાંધીગ્રામ પોલીસને જાણ કરી હતી. યુવકએ પત્ની મનીષાબેન સામે આક્ષેપ કરતા કહ્યું હતું કે, બે દિવસમાં આવું છું કહી સાડા ત્રણેક વર્ષથી તાલાલાના દેવડી ગામે માવતર ના ઘરે દીકરો દીકરો લઈને ચાલી ગઈ છે અને પ્રેમી સાથે રહે છે. અવાર નવાર છૂટું કરવાનું કહેતા છૂટાછેડા આપતી નથી અને સાથે રહેવા પણ આવતી નથી. મારી નોકરી સ્થળે પણ પત્ની અને પ્રેમી હેરાનગતિ કરી રહ્યા છે જેનાથી કંટાળી પગલું ભર્યાનું જણાવ્યું હતું. આક્ષેપો અંગે પોલીસએ તપાસ હાથ ધરી છે.