ઇન્ડિયન પ્રીમિયર લીગ (IPL) 2025 ની ફાઇનલ મેચને લઈને અમદાવાદમાં ક્રિકેટનો જબરદસ્ત ક્રેઝ જોવા મળી રહ્યો છે. 1 જૂને યોજાનારી બીજી ક્વોલિફાયર અને 3 જૂને રમાનારી ફાઇનલ મેચ માટે શહેરની હોટલો હાઉસફુલ થઈ ગઈ છે, જ્યારે ફ્લાઇટની ટિકિટના ભાવમાં પણ ધરખમ વધારો જોવા મળી રહ્યો છે.

ખાસ કરીને રોયલ ચેલેન્જર્સ બેંગલુરુ (RCB) એ ફાઇનલમાં સ્થાન મેળવતા, બેંગલુરુથી અમદાવાદ આવતી ફ્લાઇટ્સની ટિકિટના ભાવ આસમાને પહોંચી ગયા છે. RCB ના હજારો ચાહકો પોતાની મનપસંદ ટીમને સપોર્ટ કરવા માટે અમદાવાદ આવવાની તૈયારી કરી રહ્યા છે.

​​​​​​​RCB સામે ફાઇનલમાં મુંબઈ ઇન્ડિયન્સ, ગુજરાત ટાઇટન્સ અથવા પંજાબ કિંગ્સમાંથી કોઈ એક ટીમ રમશે. આ ટીમોના ચાહકો પણ પોતાની ટીમને સપોર્ટ કરવા માટે ઉત્સાહિત છે અને ફ્લાઇટ ટિકિટો બુક કરાવી રહ્યા છે. દેશભરમાંથી ક્રિકેટ ચાહકો અમદાવાદના નરેન્દ્ર મોદી સ્ટેડિયમમાં IPL 2025ની આ ભવ્ય ફાઇનલ મેચ જોવા માટે ઉમટી પડશે.

આઈપીએલ 2025ની બીજી ક્વોલિફાયર 1 જૂનના રોજ અને ફાઇનલ મેચ 3 જૂનના રોજ અમદાવાદના નરેન્દ્ર મોદી સ્ટેડિયમમાં રમાશે, જે ક્રિકેટપ્રેમીઓ માટે એક ભવ્ય ઉત્સવ બની રહેશે.