અકળ કારણોસર દુધિયા ગામના પ્રૌઢે ઝેરી પાઉડર ખાઈ લેતા મૃત્યુ 

ભાણવડ તાબેના કાટકોલા ગામના વાડી વિસ્તારમાં રહેતા ભરતભાઈ ગોવિંદભાઈ ડાંગર નામના 23 વર્ષના યુવાન ગઈકાલે રવિવારે પોતાની વાડીએ પાણીની ટાંકી ભરવા માટે કુવા પાસે મોટર ચાલુ કરવા જતા અકસ્માતે તેમનો પગ લપસી ગયો હતો. જેના કારણે તે કૂવામાં પડી જતા તેમને માથાના ભાગે ગંભીર ઇજાઓ થવા સાથે કુવામાં ડૂબી જતા તેમનું મૃત્યુ નીપજ્યું હતું. આ બનાવ અંગે ગોવિંદભાઈ જેતસીભાઈ ડાંગર (ઉ.વ. 45)એ ભાણવડ પોલીસને જાણ કરતા પોલીસે જરૂરી કાર્યવાહી કરી હતી.

જયારે કલ્યાણપુર તાલુકાના દુધિયા ગામની સીમમાં રહેતા પાલાભાઈ વજશીભાઈ કંડોરીયા નામના 55 વર્ષના આહિર પ્રૌઢે ગત તારીખ 31 માર્ચના રોજ પોતાની વાડીએ કોઈ અગમ્ય કારણસર પોતાના હાથે ઘઉમાં નાખવાનો ઝેરી પાઉડર ખાઈ લેતા તેમને હોસ્પિટલમાં દાખલ કરવામાં આવ્યા હતા. જ્યાં સારવાર દરમિયાન તેમનું મૃત્યુ નિપજ્યું હતું. આ બનાવ અંગે મૃતકના નાનાભાઈ પરબતભાઈ વજશીભાઈ કંડોરિયા (ઉ.વ. 52) એ કલ્યાણપુર પોલીસને જાણ કરી છે.