પોરબંદરના વાડીપ્લોટ વિસ્તારમાં શાકમાર્કેટ પાસેના પ્લોટમાં દોઢ વર્ષ પહેલા નગરપાલિકાના તંત્રએ બગીચો બનાવ્યો હતો.જેમાં બાળમનોરંજનના સાધનો ફીટ કર્યા હતા પરંતુ તે ભાંગી તુટી ગયા હોવાથી પાલિકા અને પબ્લિકની બંનેની બેદરકારી સિધ્ધ થઇ છે. પોરબંદર શહેરના વાડીપ્લોટ વિસ્તારમાં શાકમાર્કેટ ફરતે રાજાશાહી જમાનાના  ખુલ્લા પ્લોટ આવેલા હતા જ્યાં નગરપાલિકાના તંત્રએ દોઢેક વર્ષ પહેલા પંદરમા નાણાપંચ અને અન્ય ગ્રાન્ટમાંથી લાખો ‚પિયાના ખર્ચે બગીચા બનાવ્યા છે અને તેમાં બાળમનોરંજનના સાધનો  ફીટ કરાવ્યા હતા પરંતુ મેનટેનન્સના અભાવે તેમજ ચોકીદાર નહી હોવાથી અને લોકોની પણ બેદરકારીના કારણે હીંચકા અને જમ્પીંગ સહિતના સાધનો ભાંગીતૂટી ગયા છે. જમ્પીંગમાં સાત આઠ વર્ષના બાળકોને બદલે પંદર સતર વર્ષના કિશોરો પણ તેમાં જમ્પીંગ કરતા હોવાનુ જોવા મળ્યુ હતુ તેથી આ સાધનોમાં ભાંગતૂટ થઇ છે અને હવે ફરીથી તે નવા નાખી શકાય તેવો ખર્ચ પોસાતો નથી માટે પોરબંદરમાં જ્યા કયાંય પણ આવા બગીચા બનાવ્યા છે ત્યાં તેની જાળવણી થાય તે ઇચ્છનીય છે.