પહેલગામ આતંકવાદી હુમલા પછી, હવે ભારત સરકારના માહિતી ટેકનોલોજી મંત્રાલયે ઈલોન મસ્કના એક્સ પ્લેટફોર્મને ભારતમાં પાકિસ્તાની સરકારનું એક્સ એકાઉન્ટ બંધ કરવા કહ્યું છે. ભારત સરકારની આ વિનંતી પર કાર્યવાહી કરીને, એક્સ એ ભારતમાં એકાઉન્ટ બંધ કરી દીધું છે. આનો સીધો અર્થ એ થયો કે પાકિસ્તાની સરકારનું એક્સ એકાઉન્ટ હવે ભારતમાં દેખાશે નહીં.

એક્સ પ્લેટફોર્મ એક લોકપ્રિય પ્લેટફોર્મ છે જ્યાં વિશ્વભરના નેતાઓ અને સરકારો પાસે વેરિફાઇડ એકાઉન્ટ્સ છે. આ એકાઉન્ટ્સ દ્વારા તે પોતાના દેશ વિશે નિર્ણયો અને અન્ય માહિતી આપે છે.

મંગળવારે જમ્મુ-કાશ્મીરના પહેલગામમાં બૈસરન ખીણમાં આતંકવાદી હુમલો થયો હતો. આ હુમલામાં ઘણા પ્રવાસીઓએ જીવ ગુમાવ્યા. આ હુમલા પછી, ભારત સરકારે ઘણા મોટા નિર્ણયો લીધા છે.

કોઈપણ દેશ માટે જો તેનું સત્તાવાર એકાઉન્ટ બ્લોક કરવામાં આવે તો તે ખૂબ જ શરમજનક બાબત છે. જોકે, આ સમયે, ભારત દ્વારા પાકિસ્તાનને ઘેરવા માટે ઘણા સ્તરે નિર્ણયો લેવામાં આવ્યા છે. ઉલ્લેખનીય છે કે યોજાયેલી સીસીએસ બેઠકમાં પાંચ મુખ્ય નિર્ણયો લેવામાં આવ્યા હતા.