ધુળેટી નજીક છે ત્યારે ગઇ રાત્રે લોકોએ દિવાળીની ઉજવણીનો અહેસાસ કર્યો હતો, કારણ કે ચેમ્પીયન્સ ટ્રોફીમાં ભારતીય ટીમની ભવ્ય જીત થયા બાદ જે જશ્ન મનાવવામાં આવ્યો હતો, જે આતશબાજીઓ થઇ હતી તે યાદગાર બની રહી હતી, મેચના પ્રારંભથી ભારતની મજબુત પકડ રહી હતી, ઓપનીંગ જોડીની સારી પાર્ટનરશીપ બાદ ત્રણ વિકેટ પડી જતાં થોડી ઉત્તેજના છવાઇ હતી, પરંતુ ભારતીય બેટધરોએ મકકમતાપૂર્વક ટાર્ગેટ હાંસલ કર્યો હતો. રવિન્દ્ર જાડેજાએ વિજયી ચોગ્ગો ફટકાર્યો હતો. દેશભરમાં ઉજવણી થઇ હતી અને જામનગરના હવાઇચોક ખાતે સેંકડો લોકો એકઠાં થઇને જીતનો જશ્ન મનાવ્યો હતો. અન્ય વિસ્તારમાં પણ દિવાળી જેવી આતશબાજી થઇ હતી.