નેપાળમાં આવેલા વિનાશક પૂર વચ્ચે, ઇન્ફોસિસે જણાવ્યું કે તેની સહાયક કંપની ઇન્ફોસિસ પબ્લિક સર્વિસના વડા લક્ષ ગોપીસેટ્ટીનો હાલમાં સંપર્ક થઈ શક્યો નથી, જેના કારણે તેમની સલામતી અંગે ચિંતા વધી છે. બેંગલુરુ સ્થિત ઇન્ફોસિસે જણાવ્યું કે ગોપીસેટ્ટી આ વિસ્તારમાં વ્યક્તિગત કારણોસર મુલાકાતે ગયા હતા. કંપનીએ જણાવ્યું કે હાલમાં તેની પ્રથમ પ્રાથમિકતા તેમની સલામતી અને સુખાકારી સુનિશ્ચિત કરવાની છે.કંપની સંબંધિત સરકારી અને અન્ય એજન્સીઓ સાથે માહિતી મેળવવા અને ગોપીસેટ્ટીનો સંપર્ક સ્થાપિત કરવા માટે કામ કરી રહી છે. સાથે જ, કંપની તેમના પરિવાર સાથે સતત સંપર્કમાં છે.ઇન્ફોસિસે એક નિવેદનમાં કહ્યું: અમે પુષ્ટિ કરી શકીએ છીએ કે અમારા સહકર્મી લક્ષ ગોપીસેટ્ટી, જે વ્યક્તિગત કારણોસર આ વિસ્તારની મુલાકાતે હતા, હાલમાં સંપર્કમાં નથી.કંપનીએ વધુમાં જણાવ્યું કે તે સંબંધિત એજન્સીઓ સાથે મળીને માહિતી એકત્રિત કરી રહી છે અને તેમનો સંપર્ક સ્થાપિત કરવાનો પ્રયાસ કરી રહી છે.ઇન્ફોસિસે જણાવ્યું હતું કે અમે પરિવાર સાથે સતત સંપર્કમાં છીએ અને આ મુશ્કેલ સમયમાં તેમને જરૂરી તમામ સહાય પૂરી પાડી રહ્યા છીએ. અમારા વિચારો લક્ષ અને આ દુર્ઘટનાથી પ્રભાવિત તમામ લોકો સાથે છે. ઇન્ફોસિસે નેપાળમાં આવેલા વિનાશક પૂર અને તેમાં થયેલા જાનહાનિ પર પણ દુઃખ વ્યક્ત કર્યું છે.લક્ષ ગોપીસેટ્ટી જાહેર ક્ષેત્રની સંસ્થાઓને વ્યૂહરચના, ટેક્નોલોજી, કામગીરી અને પરિવર્તન અંગે માર્ગદર્શન આપે છે, જેથી સરકારી એજન્સીઓ તેમના લક્ષ્યો અને મિશનને અસરકારક રીતે પૂર્ણ કરી શકે. તેમની વર્તમાન જવાબદારી પહેલાં તેઓ ઇન્ફોસિસમાં ગ્લોબલ વાઇસ પ્રેસિડેન્ટ અને બિઝનેસ એપ્લિકેશન્સ તથા ડિજિટલ વર્કસ્પેસ સર્વિસના વડા તરીકે કાર્યરત હતા. આ ભૂમિકામાં તેમણે અમેરિકા, યુરોપ અને એશિયામાં કંપનીના વ્યવસાયને વિસ્તૃત કરવામાં મહત્વપૂર્ણ ભૂમિકા ભજવી હતી.