​​​​​​​KL રાહુલને T20 વર્લ્ડ કપ 2024માં ટીમ ઈન્ડિયાનો ભાગ બનાવવામાં આવ્યો ન હતો. T20 વર્લ્ડ કપ પછી, યુવા ટીમ ઈન્ડિયાએ પાંચ મેચની T20 સીરીઝ માટે ઝિમ્બાબ્વેની મુલાકાત લીધી. હવે ભારતીય ટીમ શ્રીલંકા સામે વનડે અને ટી-20 સીરીઝ રમશે. કેએલ રાહુલને શ્રીલંકા સામેની વનડે સીરીઝ માટે ટીમનો ભાગ બનાવવામાં આવ્યો છે. જો કે, શ્રીલંકા સિરીઝ પહેલા કેએલ રાહુલ 'સ્ટંટ પ્લેન' ઉડાડતો જોવા મળ્યો હતો.

રાહુલનો 'સ્ટંટ પ્લેન' ઉડાડતો વીડિયો સોશિયલ મીડિયા પર ઝડપથી વાયરલ થઈ રહ્યો છે. પ્લેન ઉડાવ્યા બાદ રાહુલે પોતાનો અનુભવ પણ શેર કર્યો હતો. વીડિયોમાં જોઈ શકાય છે કે રાહુલ પ્લેનની 'કોકપીટ' (જ્યાં પ્લેનને કંટ્રોલ કરવામાં આવે છે તે જગ્યા)માં બેઠો છે. જો કે રાહુલ સાથે અન્ય પાયલોટ પણ હાજર હતા. પ્લેન ઉડાડતા પહેલા રાહુલે કહ્યું, "હું ઉત્સાહિત, સીરીઝ, ડરેલો અને બધું જ છું."

ત્યારપછી પ્લેન ઉડાડ્યા બાદ રાહુલે પોતાનો અનુભવ શેર કર્યો અને કહ્યું, "ડાબેથી જમણે ઊંધા ગયા. અમે વધુ ઉપર ગયા અને વધુ નીચે ગયા. આખી 20 મિનિટ સુધી હું માત્ર સામે જ જોતો રહ્યો, બીજે ક્યાંય ન જોયું. આ ખૂબ જ ડર લાગે તેવું હતું.

કેએલ રાહુલ ટી20 ટીમમાંથી બહાર

T20 અને ODI સીરીઝ માટે શ્રીલંકા રવાના થતા પહેલા ટીમ ઈન્ડિયાના નવા હેડ કોચ ગૌતમ ગંભીરે ચીફ સિલેક્ટર અજીત અગરકર સાથે પ્રેસ કોન્ફરન્સ કરી હતી. આ કોન્ફરન્સમાં કેએલ રાહુલ વિશે વાત કરતી વખતે અજીત અગરકરે કહ્યું હતું કે કેએલ રાહુલ હાલમાં ટી20 પ્લાનમાંથી બહાર છે. રાહુલને શ્રીલંકા સામેની ટી-20 સીરીઝ માટે પણ ટીમ ઈન્ડિયાનો ભાગ બનાવવામાં આવ્યો નથી. જોકે રાહુલ એવો ખેલાડી છે જે ટીમ ઈન્ડિયા માટે ત્રણેય ફોર્મેટમાં રમે છે.