અભિનેત્રીમાંથી રાજકારણી બનેલી કંગના રનૌત આ દિવસોમાં ફિલ્મ ઈમરજન્સીને લઈને ચર્ચામાં છે. આ ફિલ્મનું ટ્રેલર તાજેતરમાં જ રિલીઝ થયું હતું. બધાએ તેના ખૂબ વખાણ કર્યા. હવે કંગના ફિલ્મ પ્રમોશનમાં વ્યસ્ત છે. તેણે બોલિવૂડના લોકો અને તેમની પાર્ટીઓ વિશે પ્રતિક્રિયા આપી છે.

બોલિવૂડમાં તમારા કોઈ મિત્રો છે?

જ્યારે તેને પૂછવામાં આવ્યું કે શું ઈન્ડસ્ટ્રીમાં તેના કોઈ મિત્રો છે? તેના પર તેણે કહ્યું- જુઓ, હું બોલિવૂડ ટાઇપની વ્યક્તિ નથી. હું બોલિવૂડના લોકો સાથે મિત્રતા કરી શકતી નથી. બોલિવૂડના લોકો પોતાનાથી ભરેલા છે. તેઓ મૂર્ખ છે. તેમનું જીવન પ્રોટીન શેઇકની આસપાસ ફરે છે.

કંગનાએ આગળ કહ્યું, 'જો તેઓ શૂટિંગ ન કરી રહ્યાં હોય તો તેમની દિનચર્યા એ છે કે તેઓ સવારે ઉઠે છે, થોડી શારીરિક કસરત કરે છે, પછી પાછા સૂઈ જાય છે, પછી જાગે છે, જીમમાં જાય છે અને પછી સૂઈ જાય છે અને ટીવી જુએ છે. એ લોકો તિત્તીધોડા જેવા છે. સાવ બ્લેન્ક. તમે આવા લોકો સાથે મિત્રતા કેવી રીતે કરી શકો? શું ચાલી રહ્યું છે તેની તેમને કોઈ જાણ નથી, તેમની સાથે કોઈ વાતચીત નથી થતી, તેઓ માત્ર મળે છે, ડ્રીંક કરે છે અને કપડાં અને એસેસરીઝ વિશે વાત કરે છે. બોલિવૂડમાં કાર વગેરે સિવાયની વાત કરનાર કોઈ યોગ્ય વ્યક્તિ મળે તો મને આશ્ચર્ય થશે. 

બોલિવૂડ પાર્ટીઓ અંગે કંગનાએ કહ્યું, 'તેઓ જે વાત કરે છે, તે શરમજનક છે. આ ટ્રોમા છે. બોલિવૂડની પાર્ટીઓ મારા માટે આઘાત સમાન છે.

આ ફિલ્મમાં જોવા મળશે કંગના રનૌત

કંગના હાલમાં રાજકીય કરિયર પર ધ્યાન આપી રહી છે. તે બોલિવૂડમાં વધારે કામ નથી કરી રહી. છેલ્લી વખત તે તેજસ ફિલ્મમાં જોવા મળી હતી. આ ફિલ્મમાં તે તેજસ ગિલના રોલમાં હતી. હવે તે ઈમરજન્સીમાં જોવા મળશે. આ ફિલ્મમાં તે પૂર્વ વડાપ્રધાન ઈન્દિરા ગાંધીનું પાત્ર ભજવી રહી છે. તેણે આ ફિલ્મનું નિર્દેશન અને નિર્માણ પણ ક

ર્યું છે.