વ્યાજ ખોરો નાં ત્રાસમાંથી જનતાને બચાવવાં નાં ભગીરથ પ્રયાસ નાં ભાગરૂપે મહુવા ટાઉન પોલીસ દ્વારા  લોન મેળા નું આયોજન કરવામાં આવ્યું હતું.  તા. ૨૪ મી જાન્યુઆરી નાં  રોજ મહુવા નાં માર્કેટિંગ યાર્ડ હોલ ખાતે ભાવનગર જિલ્લા પોલીસ નાં માર્ગ દર્શન સાથે ભાવનગર રેન્જ નાં આઈ.જી.પી. ગૌતમ પરમાર ની સૂચના અને જિલ્લા પોલીસ અધિક્ષક ડો. હર્ષદ પટેલ નાં સીધા માર્ગદર્શન મુજબ મહુવા નાં એ. એસ. પી. અંશુલ જૈન નાં અધ્યક્ષ સ્થાને મહુવા ટાઉન પોલીસ નાં આયોજન માં પી. આઈ.  ભરવાડે મહુવા ની જનતા ને વ્યાજખોરો ની ચૂંગાલ માંથી બચાવવાના ભગીરથ પ્રયાસનાં ભાગરૂપે મહુવા વિસ્તાર ની તમામ બેંકો નાં પ્રીતિનિધિઓની હાજરી માં  લોન મેળા નું આયોજન કરાયું હતું.
જેમાં સૌ પ્રથમ એ.એસ.પી. અંશુલ જૈન અને મહાનુભાવો નાં હસ્તે દિપ પ્રાગટ્ય કરી ને પી. આઈ. ભરવાડ, પી. એસ.આઈ. ઝાલા, પી. એસ. આઈ. પરમાર દ્વારા વિવિધ બેંક નાં અધિકારીઓ નું બુકે આપી  પુષ્પગુચ્છ થી સ્વાગત કરવામાં આવ્યુ હતું.  મહુવા ટાઉન પોલીસે એસબીઆઈ, બેંક ઓફ ઇન્ડીયા ,એક્સીસ બેંક તેમજ અન્ય બેંક ના અધિકારીને સાથે રાખી જનતા ને બેંક ની લોન કઈ રીતે મળી શકે તેની વિસ્તૃત માહિતી હાજર બેંક ના પ્રતિનિધિ દ્વારા આપવામાં આપી હતી.
આમ આ લોન મેળા નું સફળ આયોજન મદદનીશ પોલીસ અધિક્ષક  ના માર્ગદર્શન મુજબ મહુવા ટાઉન પોલિસ સ્ટેશન દ્વારા કરવામાં આવ્યું હતુ.