ચૂંટણી પંચે મહારાષ્ટ્ર વિધાનસભા ચૂંટણી અને ઝારખંડ વિધાનસભા ચૂંટણીની તારીખોની જાહેરાત કરી છે. આ સાથે ચૂંટણી પંચે ઘણા રાજ્યોની વિધાનસભા પેટાચૂંટણીની તારીખો પણ જાહેર કરી દીધી છે. ઉત્તર પ્રદેશ, રાજસ્થાન, મધ્યપ્રદેશ સહિત અનેક રાજ્યોમાં વિધાનસભાની ચૂંટણી યોજાવાની છે.

ચૂંટણી પંચની પ્રેસ કોન્ફરન્સમાં જણાવ્યું કે કેરળની 47 વિધાનસભા સીટો અને વાયનાડ લોકસભા સીટ માટે 13 નવેમ્બરે મતદાન થશે. ઉત્તરાખંડમાં કેદારનાથ વિધાનસભા સીટ અને મહારાષ્ટ્રમાં એક લોકસભા સીટ માટે 20 નવેમ્બરે મતદાન થશે.

મહારાષ્ટ્રમાં 20 નવેમ્બરે એક જ તબક્કામાં વિધાનસભા ચૂંટણી યોજાવાની છે. મહારાષ્ટ્રમાં 20 નવેમ્બરે એક જ તબક્કામાં વિધાનસભા ચૂંટણી યોજાવાની છે. જ્યારે ઝારખંડમાં વિધાનસભાની ચૂંટણી બે તબક્કામાં યોજાશે. અહીં 13મી નવેમ્બર અને 20મી નવેમ્બરે ચૂંટણી યોજાવાની છે. બંને જગ્યાએ 23 નવેમ્બરે ચૂંટણી પરિણામો આવશે.

ઉત્તર પ્રદેશમાં ખાલી પડેલી 10 બેઠકો પર પેટાચૂંટણી યોજાવાની છે. આ બેઠકો વિવિધ કારણોસર ખાલી પડી છે. મધ્યપ્રદેશની બે વિધાનસભા બેઠકો માટે પેટાચૂંટણીની તારીખ જાહેર કરવામાં આવી છે. મધ્યપ્રદેશની બુધની અને વિજયપુર બેઠકો માટે પેટાચૂંટણી યોજાવાની છે. શિવરાજ સિંહ ચૌહાણના રાજીનામા બાદ બુધની સીટ પર ચૂંટણી થશે. રામનિવાસ રાવતના રાજીનામાને કારણે વિજયપુર બેઠક ખાલી પડી છે.