શહેરના રૂવાપરી રોડ, રેલ્વે ફાટક નજીક   લોકલ ક્રાઇમ બ્રાન્ચે રોકડ રૂ.૨૬,૨૦૦નાં મુદ્દામાલ સાથે હાલમાં ચાલતી ઈંઙક ક્રિકેટ મેચ ઉપર હારજીતના સોદાઓ પાડી ચિઠ્ઠીઓમાં હિસાબ લખી જુગાર રમતા શખ્સને  ઝડપી લીધો હતો.
ભાવનગર એલ.સી.બી. પોલીસ સ્ટાફનાં માણસો ભાવનગર સીટી વિસ્તારમાં પેટ્રોલીંગમાં હતાં.તે દરમ્યાન બાતમી મળેલ કે, એક શખ્સ રૂવાપરી રોડ, રેલ્વે ફાટક પાસે આવેલ દુ:ખ ભંજન હનુમાનજીના મંદિર પાસે ગઇ કાલ રમાયેલ રાજસ્થાન રોયલ અને ગુજરાત ટાઇટન્સની મેચમા થયેલ હારજીતના હીસાબના સોદાઓ લેવા તેમજ આજ રોજ રમાનારી ચેન્નઇ સુપરકિંગ્સ તથા કિંગ્સ ઇલેવન પંજાબની મેચના એડવાન્સ રૂપીયા લેવા ઉભેલ છે. જે બાતમી અંગે રેઇડ કરતા 
ક્રિકેટ મેચના હારજીતના સોદાઓ લખેલ ચિઠ્ઠીઓ સાથે  રાજેશ દેવશીભાઇ જાંબુચા (ઉ.વ.-૫૧ ધંધો:- મજુરી રહે. પ્લોટ નં.-૧૪૯, શ્રમજીવી સોસાયટી, ખેડુતવાસ, આનંદનગર પાસે, ભાાવનગર)ને હિસાબો લખેલ ચિઠ્ઠીઓ ત્તથા ગ્રાહકોના હિસાબો લખેલ ડાયરી, પેન  તેમજ કાપડની થેલી અને કિંમત રૂ. રૂ.૨૬,૨૦૦ નો મુદ્દામાલ કબ્જે કર્યો હતો.
આ કામગીરીમાં પોલીસ ઇન્સ. એ.આર.વાળાના માર્ગદર્શન હેઠળ સ્ટાફના બાવકુદાન કુંચાલા, માનદિપસિંહ ગોહીલ, એઝાઝખાન પઠાણ, કેવલભાઇ સાંગા તેમજ જયદિપસિંહ ગોહિલ સહિતના જોડાયા હતા.