રાજકોટના રાજારામ ઈન્ડસ્ટ્રીઝ નામના કારખાના આગની ઘટના સામે આવી છે. થોડા જ સમયમાં આગે વિકરાળ સ્વરૂપ ધારણ કર્યું અને 15-20 કિમી સુધી ધુમાડાના ગોટેગોટા જોવા મળી રહ્યા છે.


​​​​​​​

હાલમાં ફાયર બ્રિગેડની ટીમ ઘટા સ્થળે દોડી ગઈ ચેહ અને આગને કાબુમાં લેવા કામગીરી ચાલુ થઇ ગઈ છે. ઘટના સ્થળે 5 ફાયરની ગાડીઓ મોકલવામાં આવી છે. 

ઘટનાસ્થળે 50 થી વધુ ફાયરના જવાનોની ટીમ પહોંચી છે. આગ 2 કલાક પહેલા આગ લાગી હોવાનું જાણવા મળ્યું છે. આગને કાબુમાં લેવા ફાયરની ટીમ દ્વારા કેમિકલ યુક્ત પાણીનો ઉપયોગ કરવામાં આવી રહ્યું છે.

આગે વિકરાળ સ્વરૂપ ધારણ કર્યું છે અને દૂર દૂર સુધી ધુમાડાના ગોટેગોટા જોવા મળી રહ્યા છે. એસીપી સહિતનો પોલીસ સ્ટાફ પણ ઘટના સ્થળે પહોંચી ગયો છે અને લોકોને ત્યાંથી દૂર કરવાની કામગીરી હાથ ધરી છે.

છેલ્લા થોડા સમયથી રાજકોટમાં આગના બનાવનું પ્રમાણ વધી રહ્યું હોય આવું જોવા મળે છે. થોડા સમય પહેલા ધૂળેટીના દિવસે પણ રાજકોટમાં એટલાન્ટીસ બિલ્ડીંગમાં આગની ઘટના બની હતી. જેમાં 3 લોકો મૃત્યુ પામ્યા હતા. એ પહેલા લોકોને હચમચાવી મૂકે આવી ટીઆરપીની ઘટનામાં માસૂમ બાળકો સહિત 27 લોકો આગમાં જીવતા ભૂંજાયા હતા.

હાલ રાજારામ ઇન્ડસ્ટ્રીમાં લાગેલી આગ પાછળનું કારણ જાણી શકાયું નથી. ફાયરની ટીમ દ્વારા સતત પાણીનો મારો ચલાવીને આગને કાબૂમાં લેવાના પ્રયાસો ચાલુ છે.