સમગ્ર રાજ્યમાં એકમાત્ર ઓખાને બાદ કરતા બધે જ મહત્તમ તાપમાનનો પારો 30 ડિગ્રીને પાર કરી ગયો છે. સૌથી ઊંચું મહત્તમ તાપમાન ડાંગમાં 34.7 ડીગ્રી નોંધાયું છે. સુરતમાં 34 ડિગ્રી મહત્તમ તાપમાન રહેવા પામ્યું છે.
રાજ્યના અન્ય શહેરોના મહત્તમ તાપમાનની વાત કરીએ તો ભુજમાં 30.7 નલિયામાં 30.4 અમરેલીમાં 32.4 ભાવનગરમાં 30.8 દ્વારકામાં 30.4 પોરબંદરમાં 32 રાજકોટમાં 33.5 વેરાવળમાં 30.2 સુરેન્દ્રનગરમાં 33 મહુવામાં 32.8 કેશોદમાં 31.3 જૂનાગઢમાં 31 અને દમણમાં 31.6 ડિગ્રી મહત્તમ તાપમાન રહેવા પામ્યું છે.
હવામાન ખાતાના જણાવ્યા મુજબ શિયાળાની સિઝનમાં અત્યારે જેટલું મહત્તમ તાપમાન હોવું જોઈએ તેના કરતાં અમદાવાદ ડીસા ગાંધીનગર અને રાજકોટમાં પાંચ ડિગ્રી વધુ છે. અમરેલી વડોદરા ભાવનગર કંડલા નલિયા અને પોરબંદરમાં ત્રણ ત્રણ ડિગ્રી વધુ તાપમાન છે. ભુજ અને સુરતમાં સરેરાશ કરતા ચાર ડિગ્રી વધુ તાપમાન છે.
સમગ્ર રાજ્યમાં સૌથી નીચું મહત્તમ તાપમાન ઓખામાં 25 ડિગ્રી નોંધાયું છે. હવામાન ખાતાના જણાવ્યા મુજબ આવતી કાલથી પવનની દિશા બદલાય તેવી શક્યતા છે અને તેના કારણે લઘુતમ અને મહત્તમ તાપમાનમાં ત્રણ દિવસમાં બે થી ત્રણ ડિગ્રી જેટલો ઘટાડો નોંધાશે.
રાજકોટમાં આજે લઘુતમ તાપમાનનો પારો સામાન્ય ઘટાડા સાથે 15 ડિગ્રી નોંધાયો છે વાતાવરણમાં ભેજનું પ્રમાણ 85% અને પવનની ગતિ પ્રતિ કલાકના 10 કીલોમીટરની રહેવા પામી છે. જૂનાગઢમાં પણ આજે 85 ટકા ભેજ નોંધાયો છે.