જામનગરમાં મેહુલનગર વિસ્તારમાં મહાનગરપાલિકાનો એક માત્ર એમ્યુઝમેન્ટ પાર્ક આવેલો છે. જેમાં ઘણા સમયથી રાઇડસ બંધ છે. જેના કારણે વેકેશનમાં પણ બાળકો મનોરંજનના સાધનોની મોજ માણી શક્યા ન હતા, આટલું ઓછું હોય તેમ એમ્યુઝમેન્ટ પાર્કમાં ફુવારો આવેલો છે.

​​​​​​​જે સપ્તાહમાં ૩ દિવસ ચાલુ કરવામાં આવે છે, પરંતુ આ ફુવારાના પાણીમાં લીલ અને શેવાળનું સામ્રાજ્ય જોવા મળી રહ્યું છે. આટલું જ નહીં ફુવારાના પાણીમાં પ્લાસ્ટીકની બોટલ સહિતની ગંદકી પણ પ્રવર્તી રહી છે. ત્યારે ફુવારાના પાણીની સફાઇ કરવામાં મહાનગરપાલિકા દ્વારા ઘોર બેદરકારી દાખવવામાં આવતા શહેરીજનોમાં ભારે રોષની લાગણી ફેલાઇ છે.