નોઈડા ફેઝ-3 પોલીસ સ્ટેશનની પોલીસ ગાઝિયાબાદના મસૂરી પોલીસ સ્ટેશન હેઠળના નાહલ ગામમાં પહોંચી હતી નોઈડા પોલીસની આ ટીમ કાદિર ઉર્ફે માનતાની ધરપકડ કરવા ગામમાં ગઈ હતી. પોલીસે કાદિરને પકડી પણ લીધો હતો, પરંતુ તે દરમિયાન તેના 8-10 સાથીઓએ તેમના પર હુમલો કર્યો.પોલીસ ટીમ પર પથ્થરમારો કરવામાં આવ્યો અને ગોળીબાર પણ શરૂ થયો. પોલીસ કોઈ પ્રતિક્રિયા આપે તે પહેલાં જ ટોળાએ ગુનેગારને છોડાવી લીધો હતો અને સમસમી ઝપાઝપી દરમિયાન કોન્સ્ટેબલ સૌરભને માથામાં ગોળી વાગી હતી.સૌરભને તાત્કાલિક નહેરુ નગરની યશોદા હોસ્પિટલમાં લઈ જવામાં આવ્યો. અહીં ડોક્ટરોએ તેમને મૃત જાહેર કર્યા. નોઈડાના એડિશનલ પોલીસ કમિશનર રાજીવ નારાયણ મિશ્રા કહે છે કે પોલીસ ટીમ ગુનેગારની શોધમાં લાગી ગઈ છે.

ગાઝિયાબાદ ગ્રામીણ ડીસીપી સુરેન્દ્ર નાથ તિવારીએ જણાવ્યું હતું કે મસૂરીના પોલીસ સ્ટેશનમાં માહિતી મળી હતી કે ગૌતમ બુદ્ધ નગરના એક કોન્સ્ટેબલ સૌરભને નાહલ ગામમાં ગોળી વાગી છે, જેને તેમની ટીમ દ્વારા યશોદા હોસ્પિટલમાં લઈ જવામાં આવ્યો હતો. તેમને મૃત જાહેર કરવામાં આવ્યા છે. આ ટીમ વોન્ટેડ આરોપી કાદિરની ધરપકડ કરવા આવી હતી. આ ઘટના તે સમય દરમિયાન બની હતી, આ સંદર્ભમાં ગૌતમ બુદ્ધ નગરના ફેઝ-3 પોલીસ સ્ટેશનના સબ-ઇન્સ્પેક્ટર સચિન દ્વારા ફરિયાદ આપવામાં આવી છે. ફરિયાદના આધારે, મસૂરી પોલીસ સ્ટેશનમાં એફઆઈઆર દાખલ કરવામાં આવી છે.