ભાવનગર શહેરના  ચિત્રા વિસ્તારમાં એસ.બી.આઇ. બેન્ક નજીક  દહાડે  યુવાન પાસેથી ૭૫ લાખની લૂંટ કરી  ત્રણ શખ્સો નાસી છૂટાની ઘટનાના પગલે શહેર ભરમાં ભારે ચકચાર મચી હતી. ઘટનાની જાણ થતા પોલીસ કાફલાએ દોડી જઈ લૂંટ ચલાવી નાસી છૂટેલા શખ્સોને ઝડપી લેવા તજવીજ હાથ ધરી હતી. આ અંગે માર્કેટયાર્ડમાં પેઢી ધરાવતા યુવાને બોરતળાવ પોલીસ મથકમાં ત્રણ અજાણ્યા શખ્સો સામે ફરિયાદ નોંધાવી હતી પોલીસ સૂત્રોથી પ્રા વિગતો મુજબ મૂળ પાલીતાણાના નવાપરા ચોક, લમીનારાયણ મંદિર પાછળ અને હાલ ભાવનગર શહેરના કુંભારવાડા, મોતીતળાવ વિસ્તારમાં રહેતા અને માર્કેટયાર્ડમાં  મીના એન્ટરપ્રાઈઝ નામની પેઢી ધરાવતા ગુલામ અબ્બાસ રાજાણી(ઉ. વ. ૪૦)એ નોંધાવેલી ફરિયાદ મુજબ ગઈકાલે બપોરે પોતાની પેઢીમાં કામ કરતા મહંમદઅલી સાદિકઅલી લાખાણી(રે. શિશુવિહાર સર્કલ નજીક) ના એકિટવા પર બેસી ચિત્રા જીઆઈડીસી નજીકની એસબીઆઈ બેન્કમાંથી રોકડા પિયા ૬૫ લાખ ઉપાડી વોરાબજાર સ્થિત આંગડિયા પેઢીઓમાં ચુકવણું કરી ચિત્રા વિસ્તારના એક ઢાબા પર જમીને ફરીથી એસબીઆઈ બેન્કમાં ગયા હતા. એસબીઆઈ બેન્કમાં પોતાની પેઢીના કરટં ખાતામાંથી રોકડા પિયા ૭૫લાખ ઉપાડી થેલામાં મૂકી થેલો એકિટવાના આગળના ભાગે રાખી નીકળ્યા હતા. ત્યારે ચિત્રામાં આવેલા એક પાર્ટી પ્લોટ નજીક એકસેસ સ્કૂટર અને એક બાઈક પર આવેલા ત્રણ બુકાનીધારી શખ્સોએ એકિટવાને એટકાવી ત્રણ પૈકી એકે છરી કાઢી પોતાને પિયા સાથેનો થેલો આપી દેવા અન્યથા જાનથી મારી નાખવાની ધમકી આપતા એકિટવા સ્કૂટરમાં રહેલ પિયા ૭૫ લાખ સાથેના થેલાની લૂંટ ચલાવી નાસી છૂટા હતા. ગુલામ અબ્બાસ યાકુબઅલી રાજાણીની ફરિયાદ નોંધી બોરતળાવ પોલીસ મથકના પીઆઈ નિર્મળસિંહ ડાભીએ લૂંટ ચલાવી ફરાર થયેલા શખ્સોને ઝડપી લેવા તજવીજ હાથ ધરી હતી