વૈષ્ણવોના પૂજનીય શ્રી મહાપ્રભુજી શ્રી વલ્લભાચાર્યજીના 548 માં પ્રાગટ્ય ઉત્સવ નિમિત્તે ખંભાળિયામાં આગામી ગુરૂવાર તારીખ 24 ના રોજ વિવિધ કાર્યક્રમો યોજવામાં આવ્યા છે.

પ્રાગટ્ય ઉત્સવ નિમિત્તે ગુરુવારે સવારે 6:30 વાગ્યે રાત્રે શ્રી મહાપ્રભુજીની બેઠકજી ખાતેથી પ્રભાત ફેરીનું આયોજન કરવામાં આવ્યું છે. ગિરિરાજજી દુગ્ધસ્નાન પછી સવારે 10:30 થી 11:30 વાગ્યા સુધી પલનાના દર્શન થશે. બપોરે 1 વાગ્યે રાજભોગના દર્શનમાં તિલક આરતી તેમજ સાંજે 6 થી 7:30 વાગ્યે સુધી ડોલરની ફુલ મંડલીના દર્શનનું આયોજન કરવામાં આવ્યું છે.

આ સાથે સાંજે યોજવામાં આવેલી શ્રી મહાપ્રભુજીની શોભાયાત્રામાં મહિલા વૈષ્ણવોએ કેસરી વસ્ત્રો પરિધાન કરી, મંગલ કલશ લેવાનું રહેશે. આ શોભાયાત્રામાં સહભાગી થવા તેમજ વિવિધ દર્શનનો લાભ લેવા બેઠકજીના મુખ્યાજી દ્વારા સર્વે વૈષ્ણવોને અનુરોધ કરવામાં આવ્યો છે.