જામનગર જિલ્લાના જોડિયા તાલુકામાં કુન્નડ ગામે આવેલ પ્રખ્યાત કુંડલીયા હનુમાનજીની સ્વયંભૂ મૂર્તિ ધરાવતા મંદિરમાં દર વર્ષે હનુમાનજી પ્રાગટ્ય મહોત્સવ ઉજવવામાં આવે છે. એ મુજબ શનિવારે ચૈત્ર સુદ પૂનમને તા. 12-4-2025 ના રોજ આ પ્રાગટયોત્સવ ધામધૂમથી ઉજવવામાં આવશે. 

શનિવારે સવારે 7 થી 9 દરમિયાન કળશ, દેવ સ્થાપના તથા પૂજન વિધિ કરવામાં આવશે. ત્યારબાદ, સવારે 9 થી 11 સુધી હનુમાનજી ઉપર રૂદ્રાભિષેક કરવામાં આવશે. સવારે 11 વાગ્યાથી 12 વાગ્યા સુધી સુંદરકાંડ કરવામાં આવશે, જેમાં દરેક ચોપાઈના અંતે દોહરા દ્વારા આહુતી અપાશે. 

બપોરે 12 થી 12:30 દરમિયાન બીડુ હોમવાની વિધિ અને ત્યારબાદ બ્રહ્મભોજન અને સમૂહ ભોજન રાખેલ હોય, સૌ ભક્તજનોને આ પવિત્ર ધાર્મિક પ્રસંગનો લાભ લેવા કુંડલીયા હનુમાનજીના મહંત શ્રી અવધેશદાસજી શાસ્ત્રીજી ગુરુશ્રી પ્રેમદાસજી મહારાજ તરફથી આમંત્રણ આપવામાં આવ્યું છે.