જૂનાગઢમાં મેડિકલ કોલેજ બોયઝ હોસ્ટેલના કેમ્પસ મ નંબર ૩૦૫ માંથી આદિત્ય પંડા અને મૌલિક જાની બે તબીબના મોબાઇલની ચોરીની ફરિયાદ થઈ હતી. એ ડિવિઝન પોલીસે ચોરીની ફરિયાદ નોંધની ઐંડાણપૂર્વકની તપાસ હાથ ધરી હતી અને જે મોબાઈલ ચોરી થયેલ હતા. તે ટ્રેસ કરતા રાજકોટનું લોકેશન મળી આવ્યું હતું જેથી એ ડિવિઝન પીઆઈ પરમાર પીએસઆઇ સોલંકી લખધીર સહિતની ટીમ રાજકોટ ખાતે તપાસ માટે પહોંચી હતી અને ગાંધીગ્રામ પોલીસ સ્ટેશન પાછળ સુપ્રભાત એપાર્ટમેન્ટમાં પહેલા માળે રહેતા વિવેક વિરેન્દ્ર સિંહ ચૌહાણની તલાસી લેતા તેની પાસેથી પાંચ મોબાઇલ મળી આવ્યા હતા. વિવેક મૂળ કાનપુર જિલ્લાના પીપરા હરી વિસ્તારનો હોવાનું અને રાજકોટ રહેતો  હતો.
પોલીસે યુવકની ઐંડાણપૂર્વકની પૂછપરછ કરતા બે તબીબોના મોબાઇલ ઉપરાંત દોઢ મહિના પૂર્વે ગિરનાર દરવાજા રોડ પર ફાયર સ્ટેશન પાસે આવેલ મામાદેવના મંદિરમાં પણ ચોરી કર્યાની કબુલાત કરી હતી. પોલીસે યુવક પાસેથી બે તબીબો ના મોબાઈલ ઉપરાંત વધુ ત્રણ મોબાઇલ મળી આવતા પોલીસે અન્ય મોબાઇલની પણ પૂછપરછ હાથ ધરી છે અને ત્રણ ચોરીના ગુનાનો ભેદ ઉકેલવામાં સફળતા મેળવી હતી