થોડા સમયથી સાઉથના એક્ટર્સ કોઈને કોઈ રીતે ચર્ચામાં રહેતા હોય છે.હવે સાઉથના અભિનેતા રામ ચરણ તેમની આગામી ફિલ્મ માટે ચર્ચાનો વિષય બન્યા છે. રામ ચરણની ફિલ્મ ગેમ ચેન્જરમાં તેની સાથે કીયારા અડવાણી મુખ્ય અભિનેત્રી તરીકે જોવા મળશે.આ ફિલ્મનું મોટાભાગનું શુટિંગ પૂરું થઇ ગયું છે અને અત્યારે અભિનેતા તેના પરિવાર સાથે વેકેશનની રજા માણી રહ્યો છે.રજામાંથી પરત આવ્યા બાદ ફિલ્મનું અધૂરું શુટિંગ પૂરું કરશે તેવી વાતો થઇ રહી છે.આ ફિલ્મ પૂરી કર્યા પછી તે થોડા સમય માટે બ્રેક લેશે અને ત્યારબાદ બુચી બાબુની નવી ફિલ્મ જે લગભગ સ્પોર્ટ્સ ડ્રામા પર બનવાની છે તેના શુટિંગનું કામ શરુ કરશે.

આ ફિલ્મ માટે અભિનેતાએ તેના બોડી પર પણ થોડી વધારે મહેનત કરવી પડશે.આ ફિલ્મમાં જહાનવી કપૂર લીડ રોલ કરશે અને ફિલ્મના સંગીતકાર તરીકે એ.આર.રહેમાન સંગીત આપવાના છે.આ ફિલ્મ માટે રામ ચરણ તગડી ફી લેવાનો છે તેવું સાંભળવામાં આવ્યું છે. તેણે બુચી બાબુની આ ફિલ્મ માટે 125કરોડ જેટલી ફી લેવાનું નક્કી કર્યું છે અને નિર્માતાઓ આ ફી ચુકવવા તૈયાર પણ થઇ ગયા છે.