ઠંડુ પાણી પીવાથી થોડા સમય માટે રાહત મળી શકે છે પરંતુ વધુ પડતું ઠંડુ પાણી પીવું સ્વાસ્થ્ય માટે બિલકુલ ફાયદાકારક નથી. આ અંગે ઘણા સંશોધનો થયા છે, જેમાં જાણવા મળ્યું છે કે હૂંફાળું પાણી પીવું એકંદર સ્વાસ્થ્ય માટે ખૂબ જ ફાયદાકારક છે. પાચનક્રિયા સુધારવાની સાથે તે શરીરમાંથી ઝેરી પદાર્થોને દૂર કરવામાં પણ મદદ કરે છે. પણ શું આપણે ઉનાળામાં હુંફાળું પાણી પી શકીએ?

જ્યારે પણ તીવ્ર ગરમીમાંથી આવો છો ત્યારે તરત જ ઠંડુ પાણી ન પીવું જોઈએ તેના બદલે ફક્ત સામાન્ય પાણી પીવું જોઈએ, તેનાથી શરીર પર કોઈ ખરાબ અસર થતી નથી.

શરીરને ડિટોક્સ કરવાનું કામ કરે છે

ગરમ પાણી શરીરમાંથી કુદરતી રીતે ગંદકી દૂર કરવામાં મદદ કરે છે. જ્યારે ઠંડુ પાણી પીવાથી નસ સંકોચાઈ જાય છે, જેનાથી બ્લડ સર્ક્યુલેશન ધીમું થઈ જાય છે. જો આપણે ગરમ પાણીની વાત કરીએ તો તે નસને વિસ્તૃત કરવાનું કામ કરે છે. તે કિડની અને લીવરના કાર્યમાં પણ સુધારો કરે છે.

ગટ હેલ્થને સ્વસ્થ રાખે છે

પેટ ફૂલવું કે ખેંચાણ અને પાચન સમસ્યાઓ માટે પણ ગરમ પાણી ખૂબ ફાયદાકારક છે. ઠંડુ પાણી પીવાથી પેટ કે શરીરને આંચકો લાગી શકે છે. ગરમ પાણી પેટનું તાપમાન ઘટાડે છે અને ઉત્સેચકોની ક્રિયાને પણ ધીમી પાડે છે.

હુંફાળું પાણી પીતી વખતે સમયનું ધ્યાન રાખો

જો હૂંફાળું પાણી પીવાની આદત હોય તો સમયનું ખાસ ધ્યાન રાખો. સવારે ખાલી પેટે અથવા જમ્યાના અડધા કલાક પછી પીવો. આનાથી તાત્કાલિક ફાયદો જોવા મળશે. એક સંશોધન મુજબ, હૂંફાળું પાણી પીવું આંતરડાને સુધારવા અને સોજો ઘટાડવામાં ખૂબ ફાયદાકારક છે.

મેટાબોલીઝમ માટે

કેટલાક સંશોધનો સૂચવે છે કે ગરમ પાણી પીવાથી મેટાબોલીઝમ સારું થાય છે અને વજન ઘટાડવામાં મદદ મળે છે.