આ અંગેની જામકંડોરણા પોલીસ સ્ટેશનમાંથી મળતી માહિતી મુજબ જામકંડોરણાના પીપરડી ગામની સીમમાં લેમ્પના અંજવાળે કેટલાક ઈસમો જુગાર રમી રહ્યા છે તેવી ચોક્કસ બાતમી મળી હતી. આ બાતમીના આધારે જામકંડોરણાના પીએસઆઇ વી.એમ ડોડીયા સહિત જામકંડોરણા પોલીસ સ્ટાફ દ્રારા જુગારની સફળ રેડ કરી હતી. આ રેડ દરમ્યાન દિગ્વિજયસિંહ ઉર્ફે દિગો અનિદ્ધસિહ જાડેજા (રહે. ઈન્દિરા નગર જામકંડોરણા), હરપાલસિંહ રણજીતસિંહ જાડેજા (રહે. પાદરીયા), પરાક્રમસિંહ પ્રધુમ્નસિંહ ઝાલા (રહે.ચાંદની ચોક જામકંડોરણા), ગીરીરાજસિંહ રામસિંહ વાળા (રહે.પીપરડી), રવીરાજસિંહ અનોપસિંહ જાડેજા (રહે.વાવડી) અને ગોપાલ હરગોવિંદભાઈ સારા (રહે.પટેલ ચોક જામકંડોરણા)ને ૪૨,૩૨૦ રોકડ રકમ સાથે જુગાર રમતા ઝડપી લીધા હતા. જામકંડોરણા પોલીસ દ્રારા જુગાર ધારાની કલમ લગાવી કાયદેસરની કાર્યવાહી હાથ ધરવામાં આવી હતી.
આ જુગારની સફળ રેડમાં જામકંડોરણાના પીએસઆઇ વી.એમ.ડોડીયા, પો.હેડ.કોન્સ. રામાભાઈ રાડા, પો. કોન્સ. નિકુલભાઈ પપાણીયા અને મચ્છાભાઈ ચીરોડીયા જોડાયા હતા