લંડનના હીથ્રો એરપોર્ટથી નવી દિલ્હી માટે રવાના થયેલી ઈન્ડિગોની ફ્લાઈટમાં ટેકઓફ બાદ ટેકનિકલ ખામી સર્જાતા ઈમરજન્સી જાહેર કરવામાં આવી હતી. ફ્લાઈટ નંબર 6ઈમાં બોઈંગ 787-9 ડ્રીમલાઈનર વિમાનનો સમાવેશ થતો હતો. વિમાનને સુરક્ષિત રીતે ફરી હીથ્રો એરપોર્ટ પર લેન્ડ કરાવવામાં આવ્યું હતું.

મળતી માહિતી મુજબ, વિમાને લંડનના સ્થાનિક સમય અનુસાર રાત્રે 8:05 વાગ્યે રનવે 27આર પરથી ટેકઓફ કર્યું હતું. શરૂઆતમાં ફ્લાઈટ નવી દિલ્હી તરફ સામાન્ય રીતે આગળ વધી રહી હતી. જોકે, ટેકઓફના થોડા સમય બાદ વિમાનમાં ટેકનિકલ સમસ્યા સર્જાઈ હતી.

વિમાન ઈંગ્લિશ ચેનલ ઉપર પહોંચ્યું ત્યારે આશરે 24,000 ફૂટની ઊંચાઈ હાંસલ કરી ચૂક્યું હતું. આ દરમિયાન પાઈલટોએ વિમાનનું આગળનું ચઢાણ રોકી દીધું હતું. ટેકનિકલ ખામીની જાણ થયા બાદ ક્રૂએ તાત્કાલિક એર ટ્રાફિક કંટ્રોલનો સંપર્ક કર્યો હતો.

ક્રૂ દ્વારા એટીસીને ઈમરજન્સી સંદેશ મોકલવામાં આવ્યો હતો, જેથી વિમાનને પ્રાથમિકતા સાથે લેન્ડિંગની મંજૂરી મળી શકે. એટીસી તરફથી લીલી ઝંડી મળ્યા બાદ વિમાનને તેની મુસાફરી ચાલુ રાખવાને બદલે લંડન હીથ્રો એરપોર્ટ પર પરત લાવવાનો નિર્ણય લેવામાં આવ્યો હતો.

પાઈલટોએ પરિસ્થિતિને ધ્યાનમાં રાખીને વિમાનને સુરક્ષિત રીતે પાછું હીથ્રો એરપોર્ટ પર ઉતાર્યું હતું. ઈમરજન્સી જાહેર કરવામાં આવી હોવા છતાં વિમાનનું લેન્ડિંગ સુરક્ષિત રીતે પૂર્ણ થયું હતું.

આ ઘટનાના પગલે ફ્લાઈટમાં સવાર મુસાફરોમાં ચિંતા ફેલાઈ હતી. જોકે, ઉપલબ્ધ માહિતી અનુસાર વિમાનને પ્રાથમિકતા સાથે પરત લાવી લેન્ડ કરવામાં આવ્યું હતું. ટેકનિકલ ખામીનું ચોક્કસ કારણ શું હતું અને ફ્લાઈટને દિલ્હી માટે ફરી ક્યારે રવાના કરવામાં આવશે તે અંગેની વિગતવાર માહિતી એરલાઈન અથવા સંબંધિત સત્તાવાળાઓ તરફથી આવવાની બાકી છે.

બોઈંગ 787-9 ડ્રીમલાઈનર લાંબા અંતરની ફ્લાઈટ માટે ઉપયોગમાં લેવાતું વિશાળ વિમાન છે. લંડનથી નવી દિલ્હીનું રૂટ પણ લાંબા અંતરની આંતરરાષ્ટ્રીય ફ્લાઈટમાં આવે છે. આવી સ્થિતિમાં ટેકઓફ બાદ ટેકનિકલ સમસ્યા સર્જાય તો પાઈલટો દ્વારા સુરક્ષાને પ્રથમ પ્રાથમિકતા આપીને નજીકના યોગ્ય એરપોર્ટ પર પરત ફરવાનો નિર્ણય લેવામાં આવે છે.