શહેરના ઘોઘા સર્કલમાં આવેલ પૃથ્વી પ્લાઝા કોમ્પ્લેક્ષના મીટર રૂમમાં રાખેલ વેલ્ડિંગ મશીન  મળી કુલ રૂપિયા ૧૫, ૫૦૦ના મુદ્દામાલની ચોરી થયાની ફરિયાદ નોંધાવાઈ હતી.
શહેરના શ્રીનાથજીનગરના પ્લોટ નંબર ૩૬/૨માં રહેતા અને ફાયર સેફટી સાધનોનું ફિટિંગ કામ કરતા પ્રકાશભાઈ લક્ષમણભાઈ મકવાણા(ઉ. વ. ૫૦)એ ઘોઘા રોડ પોલીસમાં એવી ફરિયાદ નોંધાવી હતી કે શહેરના ઘોઘા સર્કલ વિસ્તારન પૃથ્વી પ્લાઝા કોમ્પ્લેક્ષમાં ફાયર સેફટી સિસ્ટમનું કામ ચાલુ હોય કોમ્પ્લેક્ષના મીટર રૂમમાં રાખેલ વેલ્ડિંગ મશીન, ડીસ કટર, ચેઇન બ્લોક, ડ્રિલ મશીન તેમજ હેન્ડ ગ્રાઈન્ડ મળી કુલ રૂપિયા ૧૫, ૫૦૦ના મુદ્દામાલની કોઈ અજાણ્યા શખ્સ ચોરી કરી નાસી છૂટ્યા હતા. આ અંગે ઘોઘા સર્કલ પોલીસે ચોરીનો ગુનો નોંધી તપાસ હાથ ધરી હતી.