બિગ બોસ બાદ હવે રોહિત શેટ્ટીનો શો 'ખતરો કે ખિલાડી' ચર્ચામાં છે. આ અંગે દરરોજ અલગ-અલગ અપડેટ આવતા રહે છે. સીઝન 14 માટે અત્યાર સુધીમાં ઘણા સ્પર્ધકોના નામ સામે આવ્યા છે, જેમાં બિગ બોસ 17ના સ્પર્ધક સમર્થ જુરેલનું નામ પણ સામેલ હતું. જો કે હવે તે આ શોનો ભાગ નહીં બને.

'ખતરો કે ખિલાડી' સીઝન 14નું શૂટિંગ થોડા દિવસોમાં શરૂ થવાનું છે. અગાઉ આ શો માટે સમર્થનું નામ કન્ફર્મ હોવાનું કહેવાતું હતું, પરંતુ હવે છેલ્લી ક્ષણે તે શોમાંથી બહાર થઈ ગયો છે.

થોડા દિવસો પહેલા સમર્થ જુરેલ અને નિમ્રિત કૌર આહલુવાલિયાએ તેમના સોશિયલ મીડિયા હેન્ડલ ઈન્સ્ટાગ્રામ પર એક સાથે એક વીડિયો શેર કર્યો હતો, ત્યારબાદ અટકળો લગાવવામાં આવી હતી કે બંને 'ખતરો કે ખિલાડી'ના શૂટિંગ માટે સાથે જવાના છે. જો કે હવે કલર્સની PR ટીમે પુષ્ટિ કરી છે કે સમર્થ હવે આ શોનો ભાગ નથી.

કેટલાક અહેવાલોમાં એવો દાવો કરવામાં આવી રહ્યો છે કે સમર્થે પગમાં ઈજાને કારણે છેલ્લી ક્ષણે શો છોડી દીધો છે. જો કે  હજુ સુધી સમર્થે પોતે અથવા તેની પીઆર ટીમે આ અંગે કોઈ સ્પષ્ટતા કરી નથી કે કોઈ સત્તાવાર નિવેદન બહાર પાડ્યું નથી.

અત્યાર સુધી ખતરો કે ખિલાડી 14 માટે અભિષેક કુમાર, શિલ્પા શિંદે, અસીમ રિયાઝ, આશિષ મેહરોત્રા, સુમોના ચક્રવર્તી, ક્રિષ્ના શ્રોફ, કરણવીર મહેરા, અદિતિ શર્મા, શાલીન ભનોટ, નિમૃત કૌર આહલુવાલિયા, નિયતિ ફતનાની અને ગશ્મીર મહાજની સહિતના ઘણા સ્ટાર્સના નામ સામે આવ્યા છે. તેનું શૂટિંગ આવતા મહિને જૂનમાં શરૂ થવાનું છે