દેવભૂમિ દ્વારકા અને પોરબંદર જિલ્લામાં આવેલા લીલીછમ હરીયાળી અને કુદરતી સૌંદર્યથી ભરપૂર બરડા ડુંગરમાં વન વિભાગ દ્વારા જંગલ સફારીની શરૂઆત કરવામાં આવી છે. ત્યારે અહીં સિંહનો વસવાટ વઘ્યો છે.



કારણ કે, થોડા સમય પહેલા થયેલી સિંહોની વસતી ગણતરીમાં ૧૧ સિંહ નોંધાયા છે. આટલું જ નહીં  આખો સિંહ પરિવાર જંગલ સફારીની મોજ માણવા આવનાર મુસાફરોના  કેમરા કેદ પણ થયો છે. તાજેતરમાં બરડા જંગલ સફારીની મુલાકાતે અમેરિકાથી ટુરીસ્ટ આવ્યા હતાં.

​​​​​​​

 જંગલ સફારીની વાહનમાં મુલાકાત દરમ્યાન વિદેશી પરિવારે ૧૧ સિંહ નીહાળતા રોમાચિત થઇ ગયા હતાં. અલગ-અલગ છ કેમેરમાં ૧૧ સિંહ કેદ થયા હતાં. બરડા જંગલ સફારીમાં સિંહના વસવાટથી મુસાફરોનું પ્રમાણ દીન-પ્રતીદીન વધી રહ્યું છે.