રાજકોટ-મોરબી હાઈવે પર મોડી રાત્રે એક ગંભીર હિટ એન્ડ રનની ઘટના સામે આવી છે, જેમાં બે બેકાબૂ વાહનોના ટક્કરથી બે લોકોનાં મોત નીપજ્યાં છે. આ અકસ્માત બાદ હાઈવે પર ભારે ચકચાર મચી જવા પામી છે અને સમગ્ર મામલે પોલીસે કડક તપાસ શરૂ કરી છે.   

View this post on Instagram

A post shared by Aajkaal (@aajkaaldaily)

ઘટનાની વિશેષ વિગતો એ છે કે અકસ્માત સર્જ્યા બાદ ટ્રક ચાલક ઘટનાસ્થળે રોકાયો નહોતો અને પોતાની ટ્રક લઈને અંધારામાં ફરાર થઈ ગયો હતો. આ સમગ્ર હૃદયદ્રાવક ઘટના નજીકમાં લાગેલા સીસીટીવી કેમેરામાં કેદ થઈ ગઈ હતી, જેના ફૂટેજ પણ સામે આવ્યા છે. અકસ્માતના આ બનાવને પગલે આસપાસના વિસ્તારમાં અને હાઈવે પર શોક સાથે રોષની લાગણી ફેલાઈ ગઈ હતી.   

આ ગંભીર ઘટનાની જાણ થતાં જ કુવાડવા પોલીસ મથકનો કાફલો તાત્કાલિક દોડી આવ્યો હતો અને તપાસમાં જોડાઈ ગયો હતો. પોલીસે આસપાસના સીસીટીવી ફૂટેજના આધારે ફરાર ટ્રક ચાલકને પકડી પાડવાની ચક્રો ગતિમાન કર્યા છે. હાલ અકસ્માત કઈ પરિસ્થિતિમાં સર્જાયો અને ટ્રક ચાલક ક્યાં નાસી છૂટ્યો તે અંગેની તમામ દિશામાં ઊંડાણપૂર્વક તપાસ ચાલી રહી છે.