મહિલા પ્રતિનિધીઓમાં હર્ષીદાબેન રાઠોડ, રાધાબેન રાવલીયા, ભાવનાબેન સોલંકી, જયારે કારોબારીની ૧૦ બેઠક જેમાંથી ૩૦ ટકા મહિલા અનામત એટલે કે ૩ સીટ બિનહરીફ થઇ હતી, બાકીની ૭ કારોબારી સભ્યો માટે ૧૦ ઉમેદવાર વચ્ચે ચુંટણી જંગ છે જેમાં દિપકભાઇ ભાલારા, રાહુલભાઇ ચૌહાણ, મિતુલભાઇ હરવરા, રઘુવીરસિંહ કંચવા, પંકજભાઇ લહેરૂ, વનરાજભાઇ મકવાણા, અમિતભાઇ પરમાર, ભાવેશભાઇ સોનગ્રા, જયેશભાઇ સુરડીયા અને ખોડીયાભાઇ વાઘેલાનો સમાવેશ થાય છે. 


કુલ ૧૨૫૩ જેટલા મતદારો ધરાવતા જામનગરના વકીલ મંડળના હોલમાં  આજે સવારે ૯-૩૦ થી ૪ વાગ્યા સુધી ચુંટણીની કાર્યવાહી હાથ ધરવામાં આવી હતી, જેમાં સીનીયર એડવોકેટો સહિતના સભ્યો જોડાયા હતા, કારોબારીના ૩ સભ્યો માનસીબેન, દિપાલીબેન અને ગીતાબેન બિનહરીફ થયા છે, બાર એસોની ચુંટણીની આ પ્રક્રિયામાં ચુંટણી કમિશ્નર તરીકે એડવોકેટ કે.ડી. ચૌહાણ, મદદનીશ કમિશ્નર તરીકે મિહીરભાઇ નંદા અને અન્ય દ્વારા કાર્યવાહી કરવામાં આવી રહી છે.  આજે વકિલ મંડળની ચુંટણીમાં ઉત્સાહભેર વકીલોએ ભાગ લીધો હતો, ૧૨૩૨માંથી ૩૫૪થી વધુ મત બપોરના ૧ વાગ્યા સુધી પડયા હોય આથી આશરે ૩૫ ટકા જેટલુ મતદાન થયાનું જાણવા મળ્યું છે.​​​​​​​