દેશના અનેક ભાગોમાં કુદરતનો મિજાજ ફરી એકવાર બગડવા જઈ રહ્યો છે અને લોકોની ચિંતામાં મોટો વધારો થવાનો છે. હવામાન વિભાગ (IMD) દ્વારા જારી કરાયેલા તાજા અપડેટ અનુસાર, આગામી 21 કલાકની અંદર દિલ્હી, ઉત્તર પ્રદેશ અને બિહાર સહિત દેશના 15 મહત્વપૂર્ણ રાજ્યોમાં ભારે વરસાદ અને ભયાનક વાવાઝોડાનું હાઈ એલર્ટ જાહેર કરવામાં આવ્યું છે. આ આકાશી આફત દરમિયાન પવનની ગતિ 85 થી 90 કિલોમીટર પ્રતિ

કલાકની પ્રચંડ રફતાર સુધી પહોંચી શકે છે, જેના કારણે સામાન્ય જનજીવન ખોરવાઈ જવાની અને ખેતીના પાકોને મોટું નુકસાન થવાની ભીતિ છે.ચક્રવાતી સિસ્ટમ સક્રિય થતાં આ રાજ્યો પર તોળાતું સંકટ 

હવામાન વૈજ્ઞાનિકોના જણાવ્યા મુજબ, હાલમાં ઉત્તરી હરિયાણા અને પૂર્વી ઉત્તર પ્રદેશની આસપાસના નીચલા ક્ષોભ
મંડળમાં બે શક્તિશાળી ચક્રવાતી પરિસંચરણ સક્રિય થયા છે. આ સિસ્ટમના કારણે વાતાવરણમાં અચાનક પલટો આવ્યો છે અને નીચે મુજબના રાજ્યો પર તેની સીધી અસર જોવા મળશે

ઉત્તર અને મધ્ય ભારત:- દિલ્હી, ઉત્તર પ્રદેશ, પંજાબ, હરિયાણા, રાજસ્થાન અને મધ્ય પ્રદેશ.પૂર્વ અને પહાડી રાજ્યો: બિહાર, ઝારખંડ, પશ્ચિમ બંગાળ, ઓડિશા, છત્તીસગઢ, આસામ, જમ્મુ-કાશ્મીર, હિમાચલ પ્રદેશ અને ઉત્તરાખંડ.

દક્ષિણ ભારત:- કેરળ અને તમિલનાડુના દરિયાકાંઠાના વિસ્તારો.આ પ્રચંડ તોફાનના કારણે પૂર્વી રાજ્યોમાં વીજળી પડવાની ઘટનાઓ બની શકે છે, જ્યારે પહાડી વિસ્તારોમાં ભારે કરા (ઓલા) પડવાની ચેતવણી આપવામાં આવી છે. ખરાબ હવામાનને જોતા માછીમારોને નદી કે દરિયા કિનારે ન જવાની સખત સલાહ અપાઈ છે.

મુખ્ય શહેરોમાં તાપમાનનો પારો અને વાવાઝોડાની સ્થિતિઆ ભારે વરસાદ અને વાવાઝોડાના કારણે છેલ્લા કેટલાક દિવસોથી શેકાઈ રહેલા ઉત્તર ભારતના રાજ્યોમાં તાપમાન ગગડશે અને લોકોને ગરમીથી મોટી રાહત મળશે. 

દેશના પ્રમુખ શહેરોમાં આગામી સમયનું સંભવિત તાપમાન નીચે મુજબ નોંધાઈ શકે છે

શહેર     મહત્તમ તાપમાન      ન્યૂનતમ તાપમાન            વાતાવરણની મુખ્ય અસર 
દિલ્હી        42°C                  32°C                                 70 થી 75 કિમીની ઝડપે પવન અને ભારે વરસાદ.
લખનૌ       42°C                  29°C                                 80 થી 85 કિમીની ઝડપે વાવાઝોડું અને વરસાદ.
પટના        39°C                  28°C                                 ભારે વરસાદ અને પવન, બિનજરૂરી બહાર ન નીકળવા સલાહ.
જયપુર      42°C                  31°C                                 70 થી 80 કિમીની ઝડપે ધૂળની આંધી અને વરસાદ.
રાંચી         36°C                   27°C                                 60 થી 70 કિમીની ઝડપે પ્રચંડ પવન સાથે વરસાદ.
ભોપાલ      38°C                   28°C                                70 થી 75 કિમીની ઝડપે પવનના ઝાપટાં અને ગાજવીજ. 

દિલ્હી અને તેની આજુબાજુના વિસ્તારોમાં આગામી 3 દિવસ સુધી એટલે કે 11 જૂન સુધી આ ભયાનક તોફાની માહોલ યથાવત રહેશે. જ્યારે ઉત્તર પ્રદેશના મેરઠ, આગરા, કાનપુર અને વારાણસી જેવા જિલ્લાઓમાં 14 જૂન સુધી વરસાદી ઝાપટાં ચાલુ રહેશે, જેથી ખેડૂતોને પોતાની પાકેલી ઉપજ સુરક્ષિત સ્થાને ખસેડી લેવા વહીવટી તંત્ર દ્વારા સુચના આપવામાં આવી છે.