ઓપલ સુચાતાએ મિસ વર્લ્ડ 2025નો ખિતાબ જીત્યો છે. 'મિસ વર્લ્ડ 2024' ક્રિસ્ટીના પિઝકોવાએ તેમને મિસ વર્લ્ડનો તાજ પહેરાવ્યો. સોશિયલ મીડિયા પર દરેક જગ્યાએ ઓપલ સુચાતાની ચર્ચા થઈ રહી છે.

મિસ વર્લ્ડનો તાજ પહેર્યા પછી, તે ભાવુક અને ઉત્સાહિત દેખાય રહી હતી. દરેક વ્યક્તિ ઓપલ સુચાતા વિશે જાણવા માંગે છે. ચાલો જાણીએ કે ઓપલ સુચાતા કોણ છે. ઓપલ સુચાતાનો જન્મ 20 સપ્ટેમ્બર 2003 ના રોજ થાઇલેન્ડના ફુકેટમાં થયો હતો. તે એક હોટેલ માલિક પરિવારમાં મોટી થઈ હતી.

ઓપલ તેના શાળાકીય શિક્ષણ દરમિયાન તેના સંદેશાવ્યવહાર અને સાંસ્કૃતિક કૌશલ્યમાં સુધારો કરી ચૂકી છે. તે થાઈ, અંગ્રેજી અને મેન્ડરિન જાણે છે.

તે આંતરરાષ્ટ્રીય સંબંધોની વિદ્યાર્થીની છે અને રાજદૂત બનવા માંગે છે. સુચાતાને મનોવિજ્ઞાન અને માનવશાસ્ત્રમાં પણ રસ છે.    

ઓપલ સુચાતામાં ઉકુલેલ ઊંધું વગાડવાની ખાસ પ્રતિભા છે. તે પાલતુ પ્રાણીઓને ખૂબ પ્રેમી છે. તેની પાસે ઘણા કૂતરા અને બિલાડીઓ છે.

ઓપલ સુચાતાએ સ્તન કેન્સર વિશે જાગૃતિ ફેલાવવા માટે પોતાનું જીવન સમર્પિત કર્યું છે.

ઓપલે ૧૬ વર્ષની ઉંમરે સ્તન કેન્સર સામે ઝુંબેશ શરૂ કરી હતી. આ ઝુંબેશનું નામ ઓપલ ફોર હર હતું. તેણીએ આ ઝુંબેશ ત્યારે શરૂ કરી હતી જ્યારે તેણીના સ્તનમાં ગઠ્ઠો હતો અને તેણીએ સર્જરી દ્વારા ગઠ્ઠો દૂર કર્યો હતો.