પ્રાપ્ત વિગત મુજબ કિશાન ગૌશાળા પાસેની રાધેક્રિષ્ના સોસાયટીમાં રહેતા ભરતભાઈ વિનુભાઈ ઝીંઝુવાડીયા (ઉ.વ.33)એ સાંજે પાંચેક વાગ્યાના અરસામાં બામણબોર ગામના પાટિયા પાસે ટ્રકની કેબિનમાં ઝેરી દવા પી લીધી હતી. દવા પીધા બાદ મોટાભાઈ લવજીભાઈને ફોન કરી પગલું ભરી લીધાનું જણાવતા મોટાભાઈએ ટ્રકમાં રહેલા જીપીએસ સિસ્ટમનું લોકેશન મેળવી ટ્રક બામણબોર પાસે હોવાનું માલુમ પડતા પરિવારજનો દોડી ગયા હતા અને ત્યાંથી યુવકને સારવાર માટે પ્રથમ કુવાડવા અને ત્યાંથી રાજકોટ સિવિલ હોસ્પિટલમાં ખસેડવામાં આવતા સારવાર કારગત નીવડે પહેલા જ દમ તોડી દીધો હતો. બનાવ અંગે હોસ્પિટલ ચોકીના સ્ટાફે એરપોર્ટ પોલીસને જાણ કરતા પોલીસએ હોસ્પિટલ પહોંચી જરૂરી કાર્યવાહી કરી હતી.

આપઘાત કરનાર ભરત પાંચ ભાઈમ વચેટ હતો અને સંતાનમાં બે પુત્ર છે. પોતે ટ્રક ડ્રાઇવીંગનું કામ કરતો હતો. ક્યાં કારણોસર પગલું ભર્યું પરિવારજનો પણ જાણતા ન હોય પોલીસે તપાસ યથાવત રાખી છે.