બનાવની પ્રાપ્ત વિગત મુજબ ચોટીલાના મફતિયાપરામાં રહેતા કલ્પેશભાઈ રાજુભાઈ કોરડીયા (ઉ.વ.35)ના યુવાન તા.6ના રાત્રીના બારેક વાગ્યે મોટર સાઈકલ લઈને ઘરે જઈ રહ્યા હતા ત્યારે ચોટીલામાં આવાસ કવાટર પાસે પહોંચતા પુરપાટ ઝડપે નીકળેલા અજાણ્યા વાહન ચાલકે મોટર સાઈકલને ઠોકર મારતા યુવક બાઈક સમેત ફંગોળાઈ જતા માથા અને શરીરના ભાગે ઇજા થઇ હતી. સારવાર માટે પ્રથમ ચોટીલા બાદ ત્યાંથી રાજકોટ સિવિલ હોસ્પિટલમાં ખસેડવામાં આવતા ગતરાત્રીના દમ તોડી દીધો હતો. બનાવની જાણ હોસ્પિટલ ચોકીના સ્ટાફે ચોટીલા પોલીસને કરી હતી.

મૃતક બે ભાઈ એક બહેનમાં મોટા અને અપરણિત હતા અને મજૂરી કામ કરતા હતા.તા.6ના કામ પૂરું કરી ઘરે જઈ રહ્યા હતા ત્યારે અકસ્માત નડ્યો હતો.

બનાવના પગલે પોલીસે અકસ્માત સર્જી નાસી જનાર અજાણ્યા વાહન ચાલકની શોધખોળ હાથ ધરી છે. યુવાનના મોતથી પરિવારમાં શોક છવાયો છે.