અકસ્માત નિવારણ અર્થે જામનગર હોમગાર્ડઝની પ્રશંસનીય પહેલ

August 18, 2026 10:54 AM

અકસ્માત નિવારણ અર્થે જામનગર હોમગાર્ડઝની પ્રશંસનીય પહેલ

પવિત્ર શ્રાવણ માસમાં ભોળેશ્વર મહાદેવ મંદિરે જતા ૭૦૦થી વધુ પદયાત્રીઓને રેડિયમ રિફ્લેક્ટર લગાવાયા

દર વર્ષની પરંપરા મુજબ આ વર્ષે પણ પવિત્ર શ્રાવણ માસ દરમિયાન શિવભક્તિમાં લીન થઈ દર રવિવારે રાત્રે ભોળેશ્વર મહાદેવના આરતી દર્શન અર્થે પગપાળા જતાં પદયાત્રીઓની સુરક્ષા અને રાત્રિ દરમિયાન અકસ્માત નિવારવાના શુભ આશયથી જામનગર હોમગાર્ડઝ દ્વારા રેડિયમ રિફ્લેક્ટરની પટ્ટીઓ લગાવવાનું પ્રશંસનીય સેવાકાર્ય હાથ ધરવામાં આવ્યું છે.

આ સુરક્ષા અભિયાનના પ્રથમ તબક્કામાં શ્રાવણ માસના પ્રથમ સોમવારે પદયાત્રાએ નીકળેલા ૭૦૦થી વધુ શ્રદ્ધાળુઓને રેડિયમ રિફ્લેક્ટર પટ્ટીઓ લગાડી સુરક્ષિત કરવામાં આવ્યા હતા. હોમગાર્ડઝના જવાનો દ્વારા આગામી બાકીના ત્રણેય શ્રાવણી સોમવારે પણ આ કામગીરી નિરંતર ચાલુ રાખવામાં આવશે, જેથી અંધારામાં દૂરથી આવતા વાહનચાલકોને પદયાત્રીઓ સ્પષ્ટપણે જોઈ શકે અને સંભવિત અકસ્માતો અટકાવી શકાય.

આ ઉપરાંત, આગામી ભાદરવા મહિનાની ચોથના પવિત્ર દિવસે સપડા મુકામે ગણેશજીના દર્શનાર્થે જતાં અસંખ્ય પદયાત્રીઓને પણ રેડિયમ રિફ્લેક્ટર લગાવવામાં આવશે. તદુપરાંત, આસો નવરાત્રી પર્વ નિમિત્તે કચ્છ સ્થિત માતાના મઢ ખાતે મા આશાપુરાના દર્શને પગપાળા જતાં માઇભક્તોની રાત્રિ મુસાફરી સલામત બને તે માટે પણ વ્યાપક સ્તરે રેડિયમ રિફ્લેક્ટર લગાવવાની ઝુંબેશ ચલાવવામાં આવશે.

જિલ્લા હોમગાર્ડઝ કમાન્ડન્ટના સક્ષમ નેતૃત્વ અને માર્ગદર્શન હેઠળ જામનગર હોમગાર્ડઝના જવાનો દ્વારા વિવિધ ધાર્મિક પર્વો દરમિયાન પદયાત્રીઓની રક્ષા કાજે આ અવિરત અને સરાહનીય સેવાકાર્ય સતત કાર્યરત રહેશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

અકસ્માત નિવારણ અર્થે જામનગર હોમગાર્ડઝની પ્રશંસનીય પહેલ

Recent News

Gujarat's No. 1 evening newspaper