આ સુધારેલી કોચ સંરચનાની વિગત મુજબ, ઓખા- શાલીમાર- ઓખા એક્સપ્રેસ (22905/ 22906)માં જનરલ કોચની સંખ્યા 3 થી વધારીને 4 કરવામાં આવી છે. આ વ્યવસ્થા ઓખાથી 26 એપ્રિલથી અને શાલીમારથી 28 એપ્રિલથી અમલી બનશે.

જ્યારે પોરબંદર- શાલીમાર- પોરબંદર એક્સપ્રેસ (12905/ 12906)માં પણ જનરલ કોચ 3થી વધીને 4 થશે. તેમાં પોરબંદરથી 29 એપ્રિલ અને શાલીમારથી 1 મેથી આ સુવિધા અમલી બનશે.

આ ઉપરાંત પોરબંદર- સિકંદરાબાદ- પોરબંદર એક્સપ્રેસ (20968/ 20967)માં સામાન્ય શ્રેણીના કોચની સંખ્યા 3થી વધારીને 4 કરવામાં આવી રહી છે. આ ફેરફાર પોરબંદરથી 28 એપ્રિલ અને સિકંદરાબાદથી 29 એપ્રિલથી અમલી બનશે. પોરબંદર- સાંતરાગાછી- પોરબંદર એક્સપ્રેસ (12949/ 12950)માં જનરલ કોચની સંખ્યા 2થી સીધી વધારીને 4 કરવામાં આવી છે. આ સુવિધા પોરબંદરથી 1 મે અને સાંતરાગાછીથી 3 મેથી અમલી બનશે. આ પહેલથી ખાસ કરીને સામાન્ય શ્રેણીમાં મુસાફરી કરતા મુસાફરોને મોટી રાહત મળશે અને મુસાફરી વધુ સુલભ અને આરામદાયક બનશે.