બે દાયકાથી વધુ સમયથી, કમ્પ્યુટર, ઇન્ફર્મેશન ટેકનોલોજી (આઈટી) અને ઇલેક્ટ્રોનિક્સ અને કોમ્યુનિકેશન (ઇસી) એન્જિનિયરિંગ મહત્વાકાંક્ષી ટોપર્સમાં ટોચના સ્થાને રહ્યા છે. 2025 માં, આ ત્રણેય શાખાઓ બાકીની 20 એન્જિનિયરિંગ શાખાઓ કરતાં આગળ નીકળી ગઈ, જે તમામ એન્જિનિયરિંગ પ્રવેશના 70 ટકા થી વધુ હિસ્સો ધરાવે છે.

ગુજરાતની પ્રોફેશનલ કોર્સીસ માટેની પ્રવેશ સમિતિએ પ્રવેશના ત્રણ રાઉન્ડ પછી જાહેર કર્યું કે 80,885 બેઠકોમાંથી 42,565 બેઠકો ભરાઈ ગઈ છે. આમાંથી 31,000 બેઠકો આઈટી, કમ્પ્યુટર અને ઇસી શાખાઓ દ્વારા કબજે કરવામાં આવી હતી.

ગુજરાતમાં કુલ 23 શાખાઓ છે જેમાં એન્જિનિયરિંગ ડિગ્રી આપવામાં આવે છે, જ્યારે ઘણી શાખાઓ ઉપલબ્ધ બેઠકોમાંથી અડધી ભરવા માટે પણ મુશ્કેલી પડી રહી છે. ઉદાહરણ તરીકે, સિવિલ એન્જિનિયરિંગ, જે એક સમયે પ્રખ્યાત શાખા માનવામાં આવતી હતી, તેમાં 7,950 બેઠકોમાંથી ફક્ત 2,934 એટલેકે 37 ટકા બેઠકો ભરાઈ. મિકેનિકલ એન્જિનિયરિંગમાં 9,538 ઉપલબ્ધ બેઠકોમાંથી 37 ટકા બેઠકો 3,543 પ્રવેશ સાથે ભરાઈ ગઈ. કેમિકલ એન્જિનિયરિંગ શાખાએ ૫૪ ટકા સાથે થોડો સારો દેખાવ કર્યો, જેમાં ૩,૧૮૫ માંથી ૧,૭૩૩ બેઠકો ભરાઈ ગઈ.

એલડી કોલેજ ઓફ એન્જિનિયરિંગના પ્રિન્સિપાલ અને એસીપીસીના સભ્ય સચિવ નિલય ભૂપતાનીએ જણાવ્યું હતું કે કમ્પ્યુટર એન્જિનિયરિંગ, આઇટી અને ઇસી ટોપ ટેલેન્ટ અટ્રેકર છે કારણ કે આઇટી અને સેમિકન્ડક્ટર ક્ષેત્રોમાં ઊંચી માંગ અને ઉદ્યોગ ડિજિટાઇઝેશન જરૂરિયાતોને પૂર્ણ કરવા માટે ટેલેન્ટની જરૂરિયાતને કારણે સતત સારી કારકિર્દીની સંભાવનાઓનું રહેલી છે.

ઉચ્ચ મેરિટ અને ઓછી ફી ધરાવતી સરકારી કોલેજોમાં ઓફર કરવામાં આવતી લગભગ ૯૦-૯૫ ટકા બેઠકો ભરાઈ જાય છે. ઘણા વિદ્યાર્થીઓની નજર કમ્પ્યુટર અને ઇ એન્ડ સી શાખાઓ પર હોય છે અને તેઓ બીજી શાખા પસંદ કરવાને બદલે તેમની પસંદ કરેલી કોલેજોમાં બેઠકો ખાલી થવાની રાહ જુએ છે.

એઆઈને કારણે કમ્પ્યુટર એન્જિનિયરોની માંગ વધી છે. ૧૯૯૦ ના દાયકાથી એક ટ્રેન્ડ રહ્યો છે કે કમ્પ્યુટર/આઇટી વિદ્યાર્થીઓ માટે પસંદગી રહી છે. દાયકાઓથી નિષ્ણાતોની સતત માંગ રહી છે અને હવે એઆઈ ના આગમન સાથે, ટ્રેઈનડ કાર્યબળની માંગ ઘણી વધી ગઈ છે તેમ ગુજરાત ટેકનોલોજીકલ યુનિવર્સિટીના વાઇસ ચાન્સેલર રાજુલ ગજ્જરે જણાવ્યું હતું.

નિરમા યુનિવર્સિટીના ડાયરેક્ટર જનરલ અનુપ કે સિંહે જણાવ્યું હતું કે ગુજરાત સેમિકન્ડક્ટર અને ચિપ ઉત્પાદનનું કેન્દ્ર બનતા, ઇસીનો ટ્રેન્ડ વધ્યો છે. વિદ્યાર્થીઓ અને વાલીઓ ભવિષ્યના વલણો પર નજર રાખે છે, અને તે ચોક્કસ શાખા માટે તેમના નિર્ણય લેવા માટે પ્રેરણા આપે છે. દશકોથી, આપણે કમ્પ્યુટર/આઇટી પછી મિકેનિકલ અને સિવિલ જેવી શાખાઓને પસંદગી મળતી જોઈ છે.