રોકડ રૂ.૪૨,૫૦૦ના મુદ્દામાલ સાથે ગંજીપત્તાના પાના-પૈસાથી હારજીતનો તીનપત્તીનો જુગાર રમતા પાંચ શખ્સોને   ભાવનગર લોકલ ક્રાઇમ બ્રાન્ચે ઝડપી લીધા હતા.   ભાવનગર એલ.સી.બી.ના માણસો મહુવા ગ્રામ્ય વિસ્તારમાં નાઇટ રાઉન્ડ પેટ્રોલીંગમાં હતાં.તે દરમિયાન બાતમી મળેલ કે, ભાદ્રોડ ગામે બુટીયાના નાળા પાસે આવેલ મર્ચન્ટ ફેકટરી પાસે ખુલ્લી જગ્યામા ઇલેક્ટ્રોનીક બલ્બના અંજવાળે અમુક માણસો કુડાળુ વળી પૈસા પાના વતી તીન પત્તીનો હાર-જીતનો જુગાર રમે છે. જે બાતમી આધારે બાતમીવાળી જગ્યાએ રેઇડ  કરી જાવેદ ઇબ્રાહિમભાઇ કલાણીયા (ઉ.વ.૩૭ રહે.આશિફભાઇના મકાનમાં, ફાતીમા સોસાયટી, મહુવા),  યાસીન ઉર્ફે યામીન હુસેનભાઇ સેલોત (ઉ.વ.૩૫ રહે.ફાતિમા સોસાયટી,ફાતિમા મસ્જીદ પાસે, મહુવા), અક્રમ  હનીફભાઇ કાળવાતર (ઉ.વ.૨૪ રહે.નુર સોસાયટી,માલણ નદીની બાજુમાં, મહુવા),આરીફ રહીમભાઇ શેખ (ઉ.વ.૩૮ ધંધો-વેપાર રહે.વન્ડર પાર્ક, નવા બસ સ્ટેન્ડ પાસે, મહુવા) અને  સરફરાજ અલાઉદીનભાઇ લાખાણી (ઉ.વ.૪૦ ધંધો-વેપાર રહે.ખત્રી શેરી એલ.બી.ના ડેલા પાસે,મહુવા)ને ઝડપી લઈ તમામ પાસેથી રોકડ રૂ.૪૨,૫૦૦ નો   મુદ્દામાલ કબ્જે કર્યો હતો. આ કામગીરી માં  પોલીસ ઇન્સ. એ.આર.વાળાના  માર્ગદર્શન હેઠળ સ્ટાફના અશોકભાઇ ડાભી, અરવિંદભાઇ બારૈયા, તરૂણભાઇ નાંદવા  અને પ્રવિણભાઇ ગળચર સહિતના જોડાયા હતા.