મહાનગરપાલિકાના એસ્ટેટ વિભાગ અને દબાણ હટાવ સેલની ટીમ દ્વારા આજેે સવારથી સરદારનગર વિસ્તારમાં પહોંચી જઇ હાલ ચાલી રહેલા સ્વચ્છતા અભિયાન અંતર્ગત સરદારનગર વિસ્તારમાં જેટકો કંપનીની દિવાલ પર આગામી દિવસોમાં ચિત્રાંકન સ્પર્ધા યોજાનાર હોય આ દિવાલને ફરતી નાની મોટી કેબીનો તેમજ લારી સહિતના દબાણો થયા હોય આ તમામ દબાણો હટાવી માલ-સામાન જપ્ત કરી દિવાલને દબાણમુકત કરી રંગરોગાન પણ યુઘ્ધના ધોરણે હાથ ધરાયું હતું દરમિયાન આજ વિસ્તારમાં કોર્ટના સ્ટે. વાળી એક મોટી કેબીન પડી હોય જેને પણ એસ્ટેટ વિભાગ અને દબાણ હટાવ સેલ દ્વારા હટાવી લઇ જપ્ત કરી હતી. સવારથી સરદારનગર વિસ્તારમાં હાથ ધરાયેલી દબાણ હટાવ કાર્યવાહી બપોરે એટલે કે આ લખાઇ રહ્યું છે ત્યાં સુધી જારી હોવાનું એસ્ટેટ વિભાગના સુત્રોએ જણાવ્યું હતું.