ભાણવડ આહિર સમાજ ખાતે તા.6-11-24ના લાભપાંચમનાં પવિત્ર દિવસે દર વર્ષની પરંપરા મુજબ ત્રિવિધ કાર્યક્રમ યોજાયો હતો. જેમાં આહિર સમાજના સ્નેહમિલન, સન્માન સમારંભ તેમજ ભોજન સમારંભનો કાર્યક્રમ આહિર સમાજના પ્રમુખ સાજણભાઇ રાવલીયાના અઘ્યક્ષસ્થાને યોજાયો હતો.

કાર્યક્રમ દરમ્યાન નવનિયુકત હોદેદારોમાં તાલુકા પંચાયત પ્રમુખ ડાહીબેન કરણાભાઇ છૈયા, તેમજ તમામ દાતાઓને આમંત્રિત કરવામાં આવ્યા હતા. આ તકે તાલુકામાંથી આહિર સમાજના ભાઇઓ બહેનો બહોળી સંખ્યામાં ઉપસ્થિત રહ્યા હતા. આ શુભ પ્રસંગે આહિર સમાજના ટ્રસ્ટીઓ, કર્મચારી મંડળ, વેપારી મંડળ, સોશ્યલ ગ્રુપ, આહિર સેના, આહિર યુવા ફોરમના હોદેદારો, સરપંચો સહિતનાઓ ઉપસ્થિત રહ્યા હતા. પ્રમુખ સાજણભાઇ રાવલીયા દ્વારા સર્વે જ્ઞાતિજનોને નવા વર્ષની શુભેચ્છા પાઠવવામાં આવી હતી.