કાશ્મીરમાં મૌસમની પહેલી હિમવર્ષા થઇ છે, પહાડો પર બરફની સફેદ ચાદર છવાઇ છે, વાહનો પણ બરફથી ઢંકાયેલા દેખાયા છે અને ઠંડીની સવારી આવી રહી હોવાના સંકેત મળ્યા છે, હવામાન ખાતું કહે છે કે, કાશ્મીરમાં આ વખતે હિમવર્ષા સમય કરતાં વ્હેલી શરુ થઇ છે, સામાન્ય રીતે ઓક્ટોબરના અંતમાં હિમવર્ષા થતી હોય છે.


અને ત્યારબાદ તબક્કાવાર તેમાં વધારો થતો જાય છે, બીજી તરફ પવનની દિશા બદલાવાના કારણે દેશ આખામાં કાશ્મીર અને હિમાચલની હિમવર્ષાના પગલે ઠંડીનો માહોલ છવાઇ જાય છે, અગાઉ હવામાન ખાતાએ એવી આગાહી કરી છે કે, આ વખતે પાછલા તમામ રેકોર્ડ તોડી નાંખતી હાજા ગગડાવતી ઠંડી પડવાની છે, અને ખરેખર આ આગાહીમાં આ વખતે કાંઇક દમ હોય એવું લાગે છે, કારણ કે, જે સમય કરતાં વ્હેલાં કાશ્મીરમાં હિમવર્ષા શરુ થઇ છે.