માંગરોળ મરીન પોલીસે શાપુર ગામે મકાનમાં ચાલતી જુગારની ક્લબ પર દરોડો પાડી સગીર સહિત ત્રણ જુગારીઓને ઝડપી લીધા હતા જ્યારે ચાર જુગારીઓ નાસી ગયા હતા. સ્થળ પરથી રોકડ, મોબાઇલ સહિત ૧.૦૩ લાખનો મુદ્દામાલ કબ્જે કરી નાસી ગયેલા જુગારીઓને ઝડપી લેવા કાર્યવાહી હાથ ધરી છે. આ અંગે પ્રાપ્ત વિગત મુજબ માંગરોળ મરીન પોલીસે શાપુર ગામે રહેતા વિજય કરસન પરમાર ના મકાનમાં જુગાર રમાતો હોવાની બાતમીને આધારે દરોડો પાડયો હતો. સ્થળ પરથી પ્રવીણભાઈ ગોવિંદભાઈ પરમાર, કિરણ અરશીભાઈ કામરીયા અને એક સગીર ઝડપાયો હતો. જ્યારે મયુર પરમાર, મનોજ ભરડા, તથા જુગાર સંચાલક વિજય પરમાર નાસી ગયો હતો. સ્થળ પરથી પોલીસે ૬૩ હજારની રોકડ ત્રણ મોબાઇલ સહિત ૧.૦૩ લાખનો મુદ્દામાલ કબ્જે કરી નાસી ગયેલા જુગારીઓને ઝડપી લેવા કાર્યવાહી હાથ ધરી છે.