જામનગરમાં કોચિંગ ક્લાસીસ એસોસિએશન તેમજ ભાજપ શિક્ષણ સેલ દ્વારા આયોજન કરાયું

જામનગર કોચિંગ ક્લાસ એસોસિએશન ના તમામ સભ્યો અને શહેર ભાજપ શિક્ષણ સેલ દ્વારા ધોરણ ૧૦ અને ૧૨ ના વિદ્યાર્થીઓ માટેની મોડલ ટેસ્ટનું આયોજન કરવામાં આવ્યું હતું, જેમાં ૩,૦૦૦ થી વધુ વિદ્યાર્થીઓ જોડાયા હતા.

ધોરણ ૧૦ અને ૧૨ ના વિદ્યાર્થીઓને બોર્ડની પરીક્ષા આપવા માટેની સંપૂર્ણ માહિતી અને પદ્ધતિ અંગે વિસ્તૃત માહિતી મળી રહે, તેમજ કોઈ પણ પ્રકારનો ડર રાખ્યા વિના બોર્ડ ની પરીક્ષા આપી શકે, તે માટેની ખાસ વ્યવસ્થા અને આ મોડલ ટેસ્ટ નું આયોજન કરવામાં આવ્યું હતું.

જેમાં ધોરણ ૧૦  ના ૧,૮૦૦ ધોરણ ૧૨ ના ૧,૨૦૦ વિદ્યાર્થીઓ જોડાયા હતા અને તેઓને ધોરણ ૧૦ વિદ્યાર્થીઓ માટે ના ગણિત સાયન્સ અને  તેમજ ધોરણ ૧૨ વિદ્યાર્થીઓ માટેના  બી.ઓ. અને નામા સહિતના પ્રશ્ન પેપર સાથેની મોડેલ ટેસ્ટ નું આયોજન કરવામાં આવ્યું હતું, અને તમામ વિદ્યાર્થીઓએ ઉત્સાહ ભેર ભાગ લીધો હતો, તેમ જ બોર્ડની પરીક્ષા અંગેની સંપૂર્ણ જાણકારી પણ મેળવી હતી. જામનગર શહેરની જુદી જુદી શાળાઓમાં રવિવારે આ મોડલ ટેસ્ટની પરીક્ષા લેવામાં આવી હતી.