જામનગરમાં સરદાર જયંતી નિમિત્તે ‘રાષ્ટ્રીય એકતા દિવસ’ની ઉજવણી નિમિતે એકતા યાત્રા યોજાશે

રણજીતનગર સ્થિત સરદાર પટેલ સ્ટેચ્યુથી રણમલ તળાવ ગેટ નં. ૧ સુધી યોજાશે ‘એકતા યાત્રા’

તા.૩૧/૧૦/૨૦૨૬ ના રોજ સરદાર વલ્લભભાઈ પટેલની જન્મજયંતિએ સમગ્ર રાજ્ય સાથે જામનગરમાં પણ ‘રાષ્ટ્રીય એકતા દિવસ’ની ભવ્ય ઉજવણી કરવામાં આવનાર છે. નાગરિકોમાં રાષ્ટ્રભાવના અને અખંડિતતાની ભાવના વધુ દ્રઢ કરવાના હેતુસર રાજ્યવ્યાપી આયોજન અંતર્ગત વિભિન્ન કાર્યક્રમો તથા ‘એકતા યાત્રા’નું આયોજન કરવામાં આવ્યું છે.

આ ઉજવણી અન્વયે જામનગરમાં સાંજે ૦૪:૩૦ કલાકે રણજીતનગર સ્થિત સરદાર પટેલ સ્ટેચ્યુથી રણમલ તળાવ ગેટ નં. ૧ સુધી ‘એકતા યાત્રા’ યોજાશે, જ્યાં સૌ નાગરિકો દ્વારા મહાનુભાવોની ઉપસ્થિતમાં રાષ્ટ્રીય એકતાના શપથ ગ્રહણ કરવામાં આવશે.