જામનગર જિલ્લામાં મોટી ટ્રેન દુર્ઘટના સહેજમાં ટળી

લાલપુરના સણોસરી પાસે રેલવે ટ્રેક પર લોખંડનો ટુકડો મૂકવામાં આવ્યો હોવાની ફરિયાદ

અજાણ્યા શખ્સની હરકતથી રેલવે મુસાફરોની સુરક્ષા જોખમમાં મુકાઈ

જામનગર જિલ્લામાં રેલવે ટ્રેક પર લોખંડનો ટુકડો મૂકી ટ્રેન વ્યવહાર અને મુસાફરોની સુરક્ષા જોખમમાં મૂકવાનો ગંભીર બનાવ સામે આવ્યો છે. લાલપુર તાલુકાના સણોસરી ગામ નજીક અજાણ્યા શખ્સે રેલવે ટ્રેક પર લોખંડનો ટુકડો મૂકી દીધો હોવા અંગે પોલીસ ફરિયાદ નોંધાવવામાં આવી છે.

રેલવે ટ્રેક પર લોખંડનો ટુકડો મૂકવાની આ હરકતને પગલે મોટી ટ્રેન દુર્ઘટના સર્જાવાની આશંકા વ્યક્ત કરવામાં આવી રહી છે. બનાવને લઈને રેલવે સુરક્ષા અને પોલીસ તંત્ર દ્વારા તપાસ હાથ ધરવામાં આવે તેવી કાર્યવાહી મહત્વપૂર્ણ બની છે.
​​​​​​​રેલવે ટ્રેક પર આ પ્રકારની હરકત મુસાફરોની સુરક્ષા સાથે ગંભીર ચેડાં સમાન છે. પોલીસે અજાણ્યા શખ્સ સામે ફરિયાદના આધારે વધુ તપાસ હાથ ધરી છે.