IPL 2027 માટે ટ્રેડ વિન્ડો હવે ખુલી ગઈ છે. આગામી સીઝન માટેની હરાજી ડિસેમ્બરમાં ગોવામાં યોજાનાર છે. તે પહેલાં, તમામ 10 ટીમોએ 17 નવેમ્બર સુધીમાં પોતાની ટીમમાં જાળવી રાખેલા (retained) અને મુક્ત કરેલા (released) ખેલાડીઓની યાદી સબમિટ કરવાની રહેશે. અત્યાર સુધીમાં, ટ્રેડ વિન્ડો દ્વારા કુલ 10 ખેલાડીઓની આપ-લે કરવામાં આવી છે, જેમાં કેટલાક જાણીતા નામોનો પણ સમાવેશ થાય છે.

IPL 2027 પહેલાં જે ઘટનાઓ બની છે, તે લીગના ઇતિહાસમાં અભૂતપૂર્વ છે. આ વખતે, બે ટીમોના કેપ્ટનો 'ટ્રેડ' (ખેલાડીઓની અદલાબદલી) દ્વારા અન્ય ફ્રેન્ચાઇઝીમાં જોડાયા છે. ₹27 કરોડમાં સામેલ થયેલા રિષભ પંતે લખનૌ સુપર જાયન્ટ્સ સાથેનો સાથ છોડીને દિલ્હી કેપિટલ્સમાં પ્રવેશ કર્યો છે. બીજી તરફ, હાર્દિક પંડ્યા મુંબઈ ઈન્ડિયન્સ છોડીને પંજાબ કિંગ્સમાં જોડાયો છે. આ બંને ખેલાડીઓ પોતપોતાની ટીમોમાં કેપ્ટન તરીકેની ભૂમિકા ભજવતા હતા. વધુમાં, પંતના પગારમાં પણ નોંધપાત્ર ઘટાડો જોવા મળ્યો છે.

ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે એક આશ્ચર્યજનક સોદો થયો છે. ઝડપી બોલરો ખલીલ અહેમદ અને નાથન એલિસ ચેન્નાઈથી હૈદરાબાદ ગયા છે, જ્યારે જેક એડવર્ડ્સ અને લિયામ લિવિંગસ્ટોન સનરાઈઝર્સમાંથી ચેન્નાઈ સુપર કિંગ્સમાં જોડાયા છે. આ ટ્રેડ ડીલને કારણે ચાહકો ઘણા સ્તબ્ધ થઈ ગયા છે.

આ ખેલાડીઓએ અત્યાર સુધી ટ્રેડ ડીલ્સ દ્વારા પોતાની ટીમ બદલી 

રિષભ પંત – લખનૌ સુપર જાયન્ટ્સથી દિલ્હી કેપિટલ્સ – પગાર: ૧૫ કરોડ

કુલદીપ યાદવ – દિલ્હી કેપિટલ્સથી લખનૌ સુપર જાયન્ટ્સ – પગાર: ૧૩.૫ કરોડ

ટી. નટરાજન – દિલ્હી કેપિટલ્સથી સનરાઈઝર્સ હૈદરાબાદ – પગાર: ૫ કરોડ

ઝીશાન અન્સારી – સનરાઈઝર્સ હૈદરાબાદથી દિલ્હી કેપિટલ્સ – પગાર: ૪૦ લાખ

લિયામ લિવિંગસ્ટોન – સનરાઈઝર્સ હૈદરાબાદથી ચેન્નાઈ સુપર કિંગ્સ – ૬ કરોડ

જેક એડવર્ડ્સ – સનરાઈઝર્સ હૈદરાબાદથી ચેન્નાઈ સુપર કિંગ્સ – ૩ કરોડ

ખલીલ અહેમદ – ચેન્નાઈ સુપર કિંગ્સથી સનરાઈઝર્સ હૈદરાબાદ – ૪.૮ કરોડ

નેથન એલિસ – ચેન્નાઈ સુપર કિંગ્સથી સનરાઈઝર્સ હૈદરાબાદ – ૨ કરોડ

હાર્દિક પંડ્યા – મુંબઈ ઈન્ડિયન્સથી પંજાબ કિંગ્સ: ૧૮ કરોડ

અર્શદીપ સિંહ – પંજાબ કિંગ્સથી મુંબઈ ઈન્ડિયન્સ: ૧૮ કરોડ