જામનગરના ટીટોડી વાડી વિસ્તારમાં રહેતી એક યુવતી અને તેની માતાને ઢીકાપાટુનો માર માર્યાની કુટુંબીક ભાઇ સામે ફરીયાદ કરવામાં આવી છે.
જામનગરના ખોજાનાકા બહાર, ટીટોડી વાડી ખાતે રહેતી ફિરદોશબેન જાવીદભાઇ બ્લોચ (ઉ.વ.૨૧) નામની યુવતિએ સીટી-એ ડીવીઝનમાં ખોજાનાકા બહાર, બંગલાવાડી ખાતે રહેતા આબીદ યુનુસ બ્લોચ તથા સાજીદ ઉર્ફે દંતો યુનુસ બ્લોચ નામના બે ઇસમ વિરુઘ્ધ ફરીયાદ કરી હતી.
ફરીયાદી ગત તા. ૨૯ના રોજ તેમના કુટુંબી ભાઇ આબીદના ઘરે ગઇ હતી ત્યારે આબીદે કહેલ અમો ગમે તેના સાથે ફ્રેન્ડશીપ રાખીએ તારે શું છે તેમ કહી અપશબ્દો બોલી, ઢીકાપાટુનો માર મારવા લાગેલ હતો. બાદમાં ફરીયાદી પોતાના ઘરે ગઇ હતી ત્યારે બંને શખ્સો ત્યાં ગયા હતા અને તેણીને મુંઢ માર માર્યો હતો. આ વખતે ફરીયાદીના માતા વચ્ચે પડતા તેને પણ લાકડી વડે માર મારેલ અને ફરીયાદીના દાદીને પણ ઢીકાપાટુનો માર માર્યો હતો તેમજ ફરીયાદીને જાનથી મારી નાખવાની ધમકી દઇ એકબીજાને મદદગારી કરી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Application
