મેક્સિકોમાં એક ભયાનક માર્ગ અકસ્માતમાં 41 લોકોના મોત થયા છે. દક્ષિણ મેક્સિકોમાં એક બસ અને ટ્રક વચ્ચે ગંભીર અથડામણ થઈ હતી. જેમાં બસ સંપૂર્ણપણે નાશ પામી હતી અને 41 મુસાફરોના મોત થયા હતા.

આ દુર્ઘટના શનિવારે સવારે એસ્કાર્સેગા શહેર નજીક બની હતી. પ્રાપ્ત માહિતી અનુસાર બસ કાન્કુનથી ટાબાસ્કો જઈ રહી હતી. અકસ્માતના કારણો હજુ સુધી સ્પષ્ટ થયા નથી, પરંતુ તપાસ ચાલી રહી છે.

અકસ્માતમાં શું થયું?
48 મુસાફરોને લઈ જતી બસ હાઇવે પર ટ્રેલર સાથે અથડાઈ હતી. ટક્કર બાદ બસમાં આગ લાગી ગઈ હતી. જેના કારણે બસ સંપૂર્ણપણે બળીને રાખ થઈ ગઈ હતી. અકસ્માતમાં 41 મુસાફરોના મોત થયા હતા. જ્યારે ઘણા લોકો ઘાયલ થયાના સમાચાર છે. 

અધિકારીઓએ શું કહ્યું?
કોમાલ્કોના મેયર પેરાલ્ટાએ અકસ્માતની પુષ્ટિ કરી છે અને મૃતકોના પરિવારો પ્રત્યે સંવેદના વ્યક્ત કરી છે. ટાબાસ્કો રાજ્યની સરકારે અકસ્માતની માહિતી આપી છે અને અકસ્માતના કારણોની તપાસ કરવામાં આવી રહી છે.