ઈરાની સેનાએ અમેરિકન સૈનિકોને મારવા અથવા પકડવા માટે ઈનામની જાહેરાત કરી છે. ઈરાની સેના પ્રમુખ અમીર હાતામી દ્વારા કરવામાં આવેલી આ જાહેરાતમાં કહેવામાં આવ્યું છે કે અમેરિકન સૈનિકને મારવા માટે ઈનામ 30,000 ડોલર (આશરે 28 લાખ રૂપિયા) હશે. જો કોઈ મહિલા અમેરિકન સૈનિકને મારી નાખે છે, તો ઈનામ બમણું થઈને 60,000 ડોલર થશે. તેહરાને રવિવારે આ જાહેરાત કરી હતી. આ જાહેરાતથી એ સવાલો ઉભા થયા છે કે શું અમેરિકા પાસે ઈરાનમાં જમીન પર હુમલો કરવાની કોઈ ગુપ્ત યોજના છે, જે હતામીએ રાષ્ટ્રને જણાવી દીધી છે.

ઈરાનની રાજ્ય સમાચાર એજન્સીના અહેવાલ મુજબ, દેશના સેના પ્રમુખ અમીર હાતામીએ જણાવ્યું હતું કે અમેરિકન સૈનિકો પર ઈનામ આપવાની યોજના મોટી સંખ્યામાં નાણાકીય સહાય માટે વિનંતીઓ પ્રાપ્ત થયા પછી વિકસાવવામાં આવી હતી. અમેરિકન સૈનિકોની હત્યા અથવા ધરપકડ ક્યાં અને ક્યારે થશે તે અંગે હાતામીએ કોઈ વિગતો આપી નથી.

જે કોઈ અમેરિકન સૈનિકને મારી નાખશે અથવા તેમને પકડીને સેનાને સોંપશે તેને ઈસ્લામિક રિપબ્લિક ઓફ ઈરાનની સેના તરફથી 30,000 ડોલર અથવા 5 અબજ તોમાન જેટલું ઈનામ મળશે. જે બહાદુર ઈરાની મહિલાઓ આવું કરશે તેમને બમણું ઈનામ મળશે.

અમેરિકાએ પશ્ચિમ એશિયા છોડવું પડશે તેવી ઈરાની લશ્કરી વડાની ચીમકી

હતામીએ જણાવ્યું હતું કે અમેરિકન સૈનિકને મારવા માટે વપરાતું હથિયાર બમણી કિંમતે ખરીદવામાં આવશે, અને જે વ્યક્તિએ અમેરિકન સૈનિકને મારી નાખ્યો તેને એક નવું હથિયાર આપવામાં આવશે. આ હથિયાર એક ખાસ સંગ્રહાલયમાં રાખવામાં આવશે. હાતામીએ ઉમેર્યું હતું કે કોઈપણ અમેરિકન સૈનિક જે તેમની ધરતી પર પગ મૂકશે તેને ભયંકર પરિણામનો સામનો કરવો પડશે. ઈરાની લશ્કરી વડાએ કહ્યું કે ઈરાન સાથેના યુદ્ધ દરમિયાન અમેરિકાના તેની લશ્કરી શક્તિ અંગેના દાવાઓનો પર્દાફાશ થયો છે. તેમણે પશ્ચિમ એશિયામાંથી અમેરિકાના પાછા ખેંચવાની પોતાના દેશની માંગને પુનરાવર્તિત કરી. ફાતેમીએ કહ્યું કે અમેરિકનોને પર્સિયન ગલ્ફ, ઓમાનની ખાડી અથવા હોર્મુઝની ખાડીમાં પ્રવેશવાની મંજૂરી નથી.

યુએસ-ઈરાન તણાવ યથાવત

આ ઇનામની જાહેરાત 17 જૂનના રોજ હસ્તાક્ષર કરાયેલા યુએસ-ઈરાન ઇસ્લામાબાદ સમજૂતી કરાર હેઠળ 60 દિવસની સમયમર્યાદા નજીક આવી રહી છે ત્યારે કરવામાં આવી છે. આ કરાર હેઠળ, ઈરાન અને અમેરિકા 28 ફેબ્રુઆરીથી 40 દિવસની લડાઈ પછી કાયમી ઉકેલ માટે કામચલાઉ યુદ્ધવિરામ અને વાટાઘાટો ચાલુ રાખવા સંમત થયા હતા.આ કરાર છતાં, બંને દેશો વચ્ચે યુદ્ધવિરામની અસર નબળી રહે છે, અને વાટાઘાટોમાં કોઈ પ્રગતિ થઈ નથી. બંને દેશો વચ્ચે અનેક ગોળીબાર થયા છે. યુએસ હુમલાઓ દક્ષિણ ઈરાન અને હોર્મુઝની ખાડીની આસપાસ કેન્દ્રિત છે, જ્યારે ઈરાને ગલ્ફ દેશોમાં યુએસ બેઝને નિશાન બનાવ્યા છે.